Mika 6:10 - MUKANDA USANDU WA ZAMBI 1975

¹⁰ Munguhasa kuvulama upite wa ungulungulu mu zuwo lia chingulungulu, hanji njongo ya kukehesa yize yinashingiwa?

Mukanda Wa Zambi 1970

¹⁰ Mu mazuwo ja yingulungulu kumuli ubite uze atambwile ni uhenge. Kaakulinga ni yeseko ya mahuza, yuma ngwe yize nakuyivutwokela.

Mika 6:10 Iomraidhean Croise

Yishima 10:2

Upite wa ungulungulu kuwafumbukile nichimwe, alioze ululi kuwakupulula mutu ku kufwa.

Yishima 11:1

Mbalansa ya kwonga yapwa chizelwokeso kuli Yehova; alioze pezu ya ululi yamuwahila chinji.

Yishima 20:10

Pezu jeka ni jeka, ni njongo jeka ni jeka, jeswe jiali japwa chizelwokeso kuli Yehova.

Yishima 20:23

Pezu jeka ni jeka japwa chizelwokeso kuli Yehova; mbalansa ya kwonga kuyapemene.

Yishima 21:6

Kuzuka upite ni limi lia mahuza chapwa ngwe chishichishi chize chinahehuka; waze akuchifupa analikokela kufwa.

Amose 3:10

Yehova kanambe ngwenyi, Waze akuvundula upupilo ni wiji mu mbonge jo; kanyingikine kulinga yipema.

Amose 3:9

Ambululenu mu mbonge ja Ashedode ni mu mbonge ja chifuchi cha Engitu ngwenu, Kungulukenu ha milundu ya Samaria nukamone chizungozungo muli ayo ni we upinjiso hakachi ko.

Mika 6:9

Liji lia Yehova linatambika mu chihunda; mukwa mana mamona jina lie. Panjikenu ku mulumbu ni yoze waatongwele.

Zefania 1:9

Ha tangwa lize mungulamba kastigu mweswe mukwa kutumbuka chikuli ni waze akuzalisa mazuwo ja akako ni upupilo ni wiji.

Zakaria 5:6

Yingwamba ngwami, Mba chika? Aye yamba ngwenyi, Yino ye *efa yakwenda. Yamba nawa ngwenyi, Uno we uhenge chifuchi cheswe.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.