Mika 5:7 - MUKANDA USANDU WA ZAMBI 1975

⁷ Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Mukanda Wa Zambi 1970

⁷ Aisraele waze maakasala ni mwono maakabwa ngwe mume uze Mwene Zambi hatuma hali mavungu anji, ngwe vula ku yibuta. Maakashachila hali Zambi, hi hali atu ko.

Mika 5:7 Iomraidhean Croise

2 Samuel 17:12

Chocho mutumuwana kweswako ali mba mutumulundumukina ngwe mume wakwiza hashi. Hakachi ka iye ni malunga aze eswe ali no kutuchi kuhichika chipwe umuwika.

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Miaso (Masamu) 133:3

Ngwe mume wa ha Hermone, uze wakutuchika ha milundu ya Zaione. Mumu kuze kwene Yehova watumine uwape wa mwono ku miaka ya mutolo.

Miaso (Masamu) 72:6

Kumakapwila ngwe vula ha mwambu wa kuteta, ngwe kavula ka kutuchikisa mavu.

Yishima 19:12

Ufwatulo wa mwanangana wapwa ngwe kuhiohia cha ndumba; alioze vumbi lienyi liapwa ngwe mume ha mwambu.

Izaya 32:15

Ndo mwilu matuzukwila Spiritu ni puya muyalumuka munda wa chinuno, ni munda wa chinuno maumona ngwe usaki.

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Izaya 55:10

Chizechene ngwe vula ni neve yakukatuka mwilu, kuyayileko nawa alioze yakutuchika hashi hanga hasokese ni kwima, kuhana mbuto kuli mukwa kukuwa ni mbolo kuli mukwa kulia,

Izaya 66:19

Mungukamika chilayi hakachi ko. Waze malisalaho hakachi ko mungukatuma ku mavungu ku Tashi ni ku Pule, ni ku Lutu, akwa kunana uta, ni ku Tupale ni Yavwane ni ku mbaka jize ja kusuku, kuze kanda achivwa lufuma wami, hanji kumona uhenya wami; mba mambujola uhenya wami hakachi ka mavungu.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Ezekiel 14:22

Hindu nyi mukusalamo amwe waze kafwile akachizeko nikusongwela amwe ana a malunga ni a mapwo; muze matuhukila kuli yenu, munumona ndako jo ni yitanga yo, enu munukalilembejeka mu chuma chize chikalu nakokele ha Yerusaleme, ha yize yeswe nakokeleleho.

Ezekiel 47:1

Yanguneha nawa ku chikolo cha tembele, kumanyi meya anatuhuka kushi lia chikuli cha tembele nikutalikisa ku Chivumbuko (mumu te tembele yinatalikisa ku Chivumbuko). E meya kanakatuka kushi lia chikuli cha tembele ku songo lia ku Sule; te sali lia chilumbilo lia ku Sule.

Ezekiel 5:5

Mwene Yehova kanambe ngwenyi, Yino ye Yerusaleme; nayisele hakachi ka mavungu, ni kuyijingilika ni yifuchi.

Daniel 11:32

Waze akulinga chipi ni usendo makaapepieka nikwahengesa; alioze atu aze ananyingika Zambi yo makatakama, makalinga.

Hosea 14:5

Mungukapwa kuli A-Izalele ngwe mume mba makatanda miji ngwe Lebano nikutemuna yitemo ngwe lirio.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Joele 2:32

Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.

Amose 5:15

Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Mika 2:12

Enu A-Yakomba, pundu mungukanukunga eswe; mungukakunga masalila ja Izalele. Mungwasela hamuwika ngwe mapanga mu limba; ngwe mbunga ya mapanga ku ulilo wo; mbunga ya malunga ni chimbangwinya.

Mika 4:13

Mwana-pwo Zaione, katuka uzungule! Mumu mungupwisa mbinga ye ya utale, ni sende je ja unengu ukapalwole mavungu anji. Kumukatumbikila kufumbuka cho kuli Yehova; upite wo mukauhana kuli Mwene wa hashi heswe.

Mika 4:7

Yilema mungukaapwisa masalila, ni waze aambilile mungukaapwisa vungu lia tachi mba Yehova makapwa mwanangana wo mu mulundu wa Zaione chize ku mwakono ndo ku miaka yeswe.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Mika 5:8

Masalila ja Yakomba makapwa hakachi ka mavungu. Makapwa hakachi ni hakachi ka mavungu anji, ngwe ndumba hakachi ka tushitu a mu musenge; ngwe mwevu wa ndumba hakachi ka mbunga ja mapanga, yoze ha kupalika kakuliata nikupapulula, ni yoze mapulula wakuhi.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Zefania 3:13

Waze malisalaho mu Izalele kechi kalinga chipi nichimwe. Kechi kahanjika mahuza; chipwe kuwana mu makanwa jo limi lia kwonga. Mumu makawana kelo; makapomba; niumwe makaakolesa woma wakuhi.

Zakaria 14:8

Ha tangwa lize meya a mwono makatuhukila mu Yerusaleme; chihanda cha ha muchima muchikatalikisa ku kalunga-lwiji wa ku Chivumbuko, chihanda cha ha muchima muchikatalikisa ku kalunga-lwiji wa ku Chitokelo. Makapalika ha lushiho ni ha lwiza.

Zakaria 9:13

Mumu hinanana Yunda ngwe uta wami, hinapwisa Eframe mwivu wami. Ena Zaione, mungulinga ni ane a malunga kulamba ana a malunga a yena Ngresia. Mungulinga ni yena ngwe uli katana wa kajita.

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Yilinga 11:15

Shimbu naputukile kuhanjika, Spiritu Musandu wejile hali ayo, chizechene ngwe hali yetu ha uputukilo.

Yilinga 13:46

Ni Paulu ni Mbarnavwe ahanjikile ni hamu, ngwo, Chinatambe kuhanjika liji lia Zambi kuli yenu hatangu. Alioze se nunalichinji kuli yenu, ni se nunalipatwila kunwatelele mwono wa mutolo, tunatewulukila kuli akwa mavungu.

Yilinga 16:9

Usolwelo wasolokele kuli Paulu ha ufuku: kwapwile lunga wa ku Masendoniya, kanamana, nikuliumba kuli iye ngwenyi, Zauka, wize muno mu Masendoniya, ukatukwase.

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

A-ROMA 10:20

Mba Izaia kanahamuka chikolo, kanambe ngwenyi, Anguwanyine kuli waze kangufupileko; angusolwele pundu kuli waze kahulileko ha kutwala kuli yami.

A-ROMA 11:12

Alioze kachi mulonga wo unapu kuyuka cha akwa hashi, ni kukehuluka cho chinapu upite wa akwa mavungu: Shinaho chikolo kuzala cho, nyi?

A-ROMA 9:30

Mba twambe kuchi? Ngwetu, akwa mavungu waze kakawile ululi, hanazuku ululi, te ululi uze wa ku Ufulielo:

1 Korintu 3:6

Ami natumbile, Apolu wahinjilile; alioze Zambi watatwishile.

Shimbi 32:2

Longeso liami likasotoke ngwe vula, kuhanjika chami chikapwe ngwe mume, ngwe vula wa kuwayangila ha mwambu wovu, ngwe vula wa chehu ha yiputa.

Akwa Kuyula 6:36

Mba Ngideone yamba kuli Zambi ngwenyi, Nyi unambe kupulula A-Izalele ni kwoko liami ngwe hiwamba,