Mika 5:5 - MUKANDA USANDU WA ZAMBI 1975

⁵ Mba yono makapwa sambukila, muze A-Asuria makanjila mu chifuchi chetu nikuliata ha mavu jetu, se yetu mutukasolola kulimika nenyi tufunga shimbiali ni alemu ja atu nake.

Mukanda Wa Zambi 1970

⁵ neye makaneha uhwimino. Muze Aasuria maakanjila mu chifuchi chetu ni kukumba membo jetu akukoleka, mutukatuma miata jetu a hamu kuhiana kulimika no.

Mika 5:5 Iomraidhean Croise

Jobe 5:19

Makupulula kasambano ku lamba, kashimbiali kechi kutayiza chipi kukukundama.

Miaso (Masamu) 72:7

Ha matangwa jenyi akwa ululi kumakawaha kulumbama cha sambukila ndo kakweji wakuhi nawa.

Yishima 30:18

Yuma yitatu yanguhiana kuyinyingika; ewa yiwana chayinyingikine;

Yishima 30:29

Atatu kakwenda kanawa, ewa awana kakupema ha kwenda cho;

Yishima 6:16

Yuma yisambano Yehova kalinwa nayo, ewa shimbiali yapwa chizelwokeso kuli iye.

Longeshi 11:2

Kunjika chihanda kuli shimbiali hanji nake, mumu kwanyingikine chipi chize muchiza hashi.

Izaya 14:25

Mungumakuna mwe Ka-Asuria mu chifuchi chami, mungumuliachila ha milundu yami; kanga yenyi muyiakatuka, ni chiteli chenyi muchikatuka ha yipaya yo.

Izaya 44:28

Ha kutwala kuli Siru kakwamba ngwenyi, Iye kafunga kami, kumakamanununa upale wami weswe; ha kutwala ku Yerusaleme kanambe ngwenyi, Kumuyikatungiwa! Ha kutwala ku tembele ngwenyi, Kumakasa fundamentu ye.

Izaya 59:19

Chocho akwa Chitokelo mavwila woma jina lia Yehova. Akwa Chivumbuko mavwila woma uhenya wenyi. Mumu meza ngwe muhwiji wa tachi wa kushinjika ni fuji ya Yehova.

Izaya 65:8

Yehova kanambe ngwenyi, Kakuwana vinyu mu chichakata, mba kakwamba ngwo, Kanda nuchenyeka mumu uwape ulimo. Chocho ni yami mungulinga ha mukunda wa kavumbi kami, chichi kaenyeka eswe.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 33:15

Ha matangwa aze ha mwaka uze mungusokesa Mutango wa ululi hali David. Iye kumakalinga ululi ni kulita mu chifuchi.

Amose 1:3

Yehova kanambe ngwenyi, Mumu ha milonga yitatu ya Ndamaseku, hanji yiwana, chichi kahilwisa kastigu, mumu hanazungula Ngiliate ni chikungo cha utale.

Amose 1:6

Yehova kanambe ngwenyi, Mumu ha milonga yitatu ya Ngeza hanji yiwana, chichi kahilwisa kastigu, mumu ambachile ku unjize vungu lia muwundu akaakunjike ku Endome.

Zakaria 10:11

Makapalika ndusu mu kalunga-lwiji wa luyinda. Mikanya ya kalunga-lwiji muyikalambiwa, ni majinga eswe a Nilo makoma. Ulemu wa Asuria makaununguna, ni lukanda wa Engitu makachina.

Zakaria 10:3

Utenu wami unasasaminyina hali tufunga; mungulamba kastigu tusongo. Mumu Yehova-wa-Tujita kakusa mbunge yenyi hali mapanga jenyi, munyachi wa Yunda; kumakaapwisa ngwe kavwalu wa uhenya mu jita.

Zakaria 12:6

Ha tangwa lize mungukapwisa akwa minyachi ya Yunda ngwe ndeho ya kahia hakachi ka kunyi; ngwe soka lia kahia lia kulekwoka hakachi ka yichita ya mwambu. Kumakalalisa mavungu eswe a kwajingilika ku sali lia chindume ni lia chimeso, shimbu Yerusaleme muyitwama ni atu jamo lume, mwe mu Yerusaleme.

Zakaria 9:10

Temba lia jita mungukaliteta ku Eframe; kavwalu wa jita mungukamuteta ku Yerusaleme. Uta wa jita makautetako, mba iye kumakatumina sambukila ku mavungu. Chiyulo chenyi muchikapwa chize ku kalunga-lwiji ndo ku kalunga-lwiji; chize ku Lwiji ndo ku masongo a hashi.

Zakaria 9:13

Mumu hinanana Yunda ngwe uta wami, hinapwisa Eframe mwivu wami. Ena Zaione, mungulinga ni ane a malunga kulamba ana a malunga a yena Ngresia. Mungulinga ni yena ngwe uli katana wa kajita.

Luka 2:14

Uhenya kuli Zambi mwilu mwahiana, Hano hashi sambukila hakachi ka atu akumuwahila.

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 19:14

Ni mbunga ja maswalale jize jili mwilu, amukawile hali tuvwalu atoma, kanazala linyu, litoma lipema.