Mika 5:4 - MUKANDA USANDU WA ZAMBI 1975

⁴ Kumakamana nikulisa mbunga yenyi ya mapanga mu tachi ja Yehova; mu ulamba wa jina lia Yehova Zambi yenyi. O kumakatwama kawape, mumu henaho iye kumakapwa munene ndo ku masongo a hashi.

Mukanda Wa Zambi 1970

⁴ Muze mwe lunga makeza, makayula atu jenyi ni tachi ni ulamba ya kuli Mwene Zambi. Atu jenyi maakatwama mu sambukila mumu hashi heswe atu maakatayiza unene wenyi,

Mika 5:4 Iomraidhean Croise

Miaso (Masamu) 145:12

Akalweze kuli ana ja atu yilinga yenyi ya ndundo, ni uhenya wa ulamba wa wanangana wenyi.

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Miaso (Masamu) 72:19

Jina lienyi lilemu likafumane ku miaka ya mutolo. Hashi heswe hakazale tò ni ulemu wenyi. Amene ni Amene.

Miaso (Masamu) 72:8

Kumakapwa ni chiyulo chize kukalunga-lwiji ndo ku kalunga-lwiji; chize ku Lwiji ndo ku masongo a hashi.

Miaso (Masamu) 93:1

Yehova kanayulu. Hazala uhenya wa mwanangana. Yehova hazala; halijichika tachi. Hashi hanahajikijisa kuheshi kulinyika.

Miaso (Masamu) 98:3

Hanewuluka utu wa zango lienyi ni umwenemwene wenyi ku jiko lia Izalele. Ndo ku masongo a hashi hanamono ulamwino wa Zambi yetu.

Kutuhuka 23:21

Ulifunge kumeso jenyi, uhalakane ku liji lienyi. Kanda ukamuvwisa kupiha mumu iye kechi kukonekena uvulumunyi we, mumu jina liami lili muli iye.

Izaya 45:22

Tewulukilenu kuli yami akanulamwine, enu eswe mu masongo a hashi! Mumu yami nguli Zambi, kukushi mukwo.

Izaya 49:5

Mba haliapwila Yehova yoze wanguwumbile chize ku jimo ngukapwe kavumbi kenyi, ngukahilwise kuli iye Yakomba, hanga Izalele akalikungulule kuli iye, mumu nguli mulemu kumeso ja Yehova, Zambi yami hanapu tachi jami—

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Izaya 8:7

kashika Mwene maneha hali ayo meya a mu mwe Lwiji, anji a tachi, mwanangana wa Asuria ni uhenya wenyi weswe. Kumakasupwokela ha wendelo wo weswe ni helu lia mbumbulu jeswe.

Mika 7:14

Funga atu je ni mbwechi ye; ye mbunga ya mapanga je a chihinga, waze atwama ukawo mu musenge, he hakachi ka chifuchi cha manaka. Akalie mu Mbashane ni Ngiliate ngwe ku matangwa a shakulu.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Zakaria 9:10

Temba lia jita mungukaliteta ku Eframe; kavwalu wa jita mungukamuteta ku Yerusaleme. Uta wa jita makautetako, mba iye kumakatumina sambukila ku mavungu. Chiyulo chenyi muchikapwa chize ku kalunga-lwiji ndo ku kalunga-lwiji; chize ku Lwiji ndo ku masongo a hashi.

Malaki 1:5

Meso ja yenwene mamona chuma chino mba nanwamba ngwenu, Yehova munene haze lia njiza ja Izalele.

Mateu 16:18

Ni yami nawa ngunambe kuli yena ngwami, Yena uli Petulu, ni ha liwe lino mungutunga chikungulwila chami, ni yajilo ya Heteze kuyichi kakumbaho.

Mateu 2:6

Ni yena, Mbeteleme, mu chifuchi cha Yunda, Hi uli mukepekepe ko hakachi ka akwa kuyula ja Yunda: Mumu muli yena kumakatuhuka mukwa kuyula, Mwenawo kumakapwa kafunga ka atu jami A-Izalele.

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Luka 1:32

Iye kumakapwa munene, makamuvuluka ngwo, Mwe Mwana wa Chitunda; Mwene Zambi kumakamwaha ngunja ya tato David;

Yoano 10:38

Alioze kachi nakuyilinga, chipwe kunushi kungufuliela, fulielenu yitanga: hanga nukanyingike, hanga nukafuliele ngwe mwe Tata mwali muli yami, ni yami muli iye.

Yoano 20:17

Yesu yamba kuli iye ngwenyi, Kanda ungukwata; mumu kanda nguchizezuka kuli mwe Tata: alioze yako kuli mandumbu jami, ukambe kuli ayo ngwe, Munguzezuka kuli Tata kanda Tatenu, ni Zambi yami kanda Zambi yenu.

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

1 Petulu 1:5

Yenu kananufungu ni tachi ja Zambi ku Ufulielo, ha ulamwino, himausolola ha mwaka wa kusula.

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu:

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.