Mika 5:3 - MUKANDA USANDU WA ZAMBI 1975

³ Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Mukanda Wa Zambi 1970

³ Mwene Zambi makakunjika atu jenyi mu moko ja akwa kole jo ndoo ni kuze semi makasema mwanenyi wa lunga. Hohene usoko wenyi, waze te atwama mu chifuchi cha mbala mu undungo maakakunguluka nawa hamwe ni atu jo ene.

Mika 5:3 Iomraidhean Croise

1 Yitanga Ya Mianangana 14:16

Kumakakunjika A-Izalele mumu ha milonga ya Jeroboame yize havulumuna; yize havulumwisa nayo A-Izalele.

2 Sango Ja Mianangana 30:7

Kanda nulifwa ni tulamba twenu ni usoko wenu waze avulumwine Yehova, Zambi ya tulamba two, ndo waakunjikile ku kwonwona, ngwe nunamono.

Miaso (Masamu) 67:3

Atu akuhalise yena Zambi. Atu eswe akuhalise.

Izaya 11:11

Ha tangwa lize Mwene mazoza kwoko lienyi chisuho chamuchiali akahilwise masalila ja atu jenyi aze asala ku Asuria, ni ku Engitu, ni ku Patarose, ni ku Etiopia, ni ku Elame, ni ku Shinare, ni ku Hamate, ni ku yifuchi yeswe yasulangana ni kalunga-lwiji.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 31:1

Yehova kanambe ngwenyi, Ha mwaka uze mungukapwa Zambi ya minyachi yeswe ya A-Izalele mba o kumakapwa atu jami.

Ezekiel 34:16

Mungukufupa waze anatoko; mungukuhilwisa waze hanajimbata; mungukajichika muya yilema; mungukakolesa akwa upekepeke; mungukonwona akwa maji ni akwa tachi, ni kwalisa ni ululi.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Hosea 2:14

Kashika mungukamulembejeka, ni kumukoka ku puya, ni kuhanjika kuli iye ni vumbi.

Hosea 2:9

Kashika mungutambula nawa mbuto yami ha mwaka wayo ni vinyu yami ha mwaka wayo. Munguchiza wona wami wa mapanga, ni linyu liami, lize liapwile te lia kumufuka uselesele wenyi.

Amose 5:15

Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Mika 4:4

alioze mutu mweswe matwama mushi lia mutondo wenyi wa uva hanji mushi lia mutondo wenyi wa makuyu; niumwe maavwisa woma mumu kanwa lia Yehova-wa-Tujita hilinahanjika.

Mika 4:7

Yilema mungukaapwisa masalila, ni waze aambilile mungukaapwisa vungu lia tachi mba Yehova makapwa mwanangana wo mu mulundu wa Zaione chize ku mwakono ndo ku miaka yeswe.

Mika 5:7

Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Mika 5:8

Masalila ja Yakomba makapwa hakachi ka mavungu. Makapwa hakachi ni hakachi ka mavungu anji, ngwe ndumba hakachi ka tushitu a mu musenge; ngwe mwevu wa ndumba hakachi ka mbunga ja mapanga, yoze ha kupalika kakuliata nikupapulula, ni yoze mapulula wakuhi.

Mika 6:14

Kulia munulia alioze kunuchi kukuta; zala muyikatwama muchima lienu. Munutulika yuma ahoze kunuchi kapita. Ni yize munupita, yami munguyikunjika ku katana.

Mika 7:13

Alioze hashi muhapwa ha kwenyeka ha mukunda wa enyaho mumu ha mihuko ya yitanga yo.

Zakaria 10:6

Kumungukutakamisa munyachi wa Yunda; kumungukalamwina munyachi wa José. Mungukaahilwisa mumu ngunaavwila keke, mba makapwa ngwe chalitunyino, mumu yami nguli Yehova Zambi yo kashika mungukaakumbulula.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Mateu 12:50

Mumu mweswawo malinga upale wa Tata yoze uli mu malilu, iye mapwa mwanakwetu ni pangiami ni mama.

Mateu 25:40

Mwanangana makaakumbulula ngwenyi, Pundu ngwami, Mumu te nwachilingile kuli umwe wa kuli akepe ahiana eswe a kuli wano mandumbu jami, nwachilingile kuli yami.

A-ROMA 8:29

Mumu waze waanyingikine Shimbu-kanda, waafunjikile Shimbu-kanda nawa, hanga akaatese ni kulifwa cha Mwanenyi, hanga iye akapwe mutangu hakachi ka ana akwo anji: