Mika 5:2 - MUKANDA USANDU WA ZAMBI 1975

² Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mukanda Wa Zambi 1970

² Mwene Zambi ngwenyi: “Yena Betleheme Efrata, uli mukepe kuhiana mukachi ka membo ja Yuda, alioze muli yena mungukatuhwisa umwe mukwa kuyula wa Aisraele. Kwalula cha akwa jiko lienyi chinayi ndoo ku shakulu.”

Mika 5:2 Iomraidhean Croise

Ubutukilo 35:16

O yachiza wenyi wo ku Mbetele, kwasalile kapinji nikuheta ku Efrata muze Rakele yaputuka misongo ya kusema mba yikola yinji chikolo apwile nayo.

Ubutukilo 35:19

Chocho Rakele yafwa, yamufunda mu jila ya kuya ku Efrata (likwo Mbeteleme).

Ubutukilo 48:7

Alioze ha kutwala kuli yami, muze nakatukile ku Panda, Rakele wafwile kumeso jami mu chifuchi cha Kanana, mwe mu jila te kwasala kachipinji wika kuheta ku Efrata. Namufunjile kuze kwene mu jila ya kuya ku Efrata (kwe ku Mbeteleme kwenako).

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

1 Sango Ja Mianangana 2:54

Ana ja Salama a malunga wano: Mbeteleme, ni A-Netofate, ni Atarote-Mbete-Joabe, ni chihanda cha A-Manehate, A-Zore.

1 Sango Ja Mianangana 4:4

Penwele te tato ya Gedore, ni Ezere tato ya Husha. Wano e ana ja Hure a malunga, mwana mutangu wa Efrata tato ya Mbeteleme.

1 Sango Ja Mianangana 5:2

Yunda wakumbile ayayo ni ana-akwo. Kuli iye kwatuhukile mukwa-kuyula, hindu wata wapwile wa José).

Miaso (Masamu) 132:6

Twachivwile mu Efrata; twachiwanyine mu munda wa Ngale.

Miaso (Masamu) 90:2

Shimbu milundu kanda yichisemuka. Shimbu kanda uchitomba mavu ni hashi. Chize ku miaka ya mutolo ndo ku miaka ya mutolo, yena uli Zambi.

Kutuhuka 18:21

Chikwo nawa ukalitalile malunga yitakame a kuli atu, a kuvwila woma Zambi, malunga amwenemwene, a kuvwila lwaji chipululu. Ukaapwise miata jo; akapwe akwa kuyula tununu twa atu, akwa kuyula makulakaji, akwa kuyula makumi atano, akwa kuyula kumi lia atu.

Kutuhuka 18:25

Mose wasakwile malunga yitakame a kuli A-Izalele eswe. Yaapwisa miata ja atu, akwa kuyula tununu, akwa kuyula makulakaji, akwa kuyula makumi atano, akwa kuyula kumi.

Izaya 11:1

Kumukusoka mutombo umwe ku chimbunji cha Yese; mutango wa ku miji yenyi muukema mihuko.

Izaya 53:2

Mumu kumakatatuka kumeso jenyi ngwe lutombo, ngwe muji wa mu mavu omu; keshi ni upeme wa mujimba hanji wa meso hanga tukamutale, chipwe uhenya keshi nawo hanga tukamuzange.

Izaya 55:4

Namupwishile chela ku mavungu; kasongo ni kapitau ka minyachi.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 30:21

Mwanangana wo makapwa umwe niwo, mukwa kwayula masolokela hakachi ko. Mungukamukundamisa mba meza kuli yami, mumu iya mahamuka kukundama kuli yami ni poko yenyi mwene? Chocho kanambe Yehova.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Amose 9:11

Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Mika 4:10

Mwana-pwo Zaione, pinda ni mikuma ngwe mukwa kufumbajala, mumu haliapwila mukatuka ku chihunda ukatwame mu yambu, kumuoya ku Babilonia. Kwenako makakupulwila; kwenako Yehova makakukulila ku tachi ja akwa kole je.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Mateu 2:1

Achi, muze te Yesu hanasemuka mu Mbeteleme, chihunda cha mu Yundeya ha matangwa ja mwanangana Heronde, kumanyi, akwa mana a ku Chivumbuko ejile ku Yerusaleme,

Mateu 2:6

Ni yena, Mbeteleme, mu chifuchi cha Yunda, Hi uli mukepekepe ko hakachi ka akwa kuyula ja Yunda: Mumu muli yena kumakatuhuka mukwa kuyula, Mwenawo kumakapwa kafunga ka atu jami A-Izalele.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Luka 23:38

Kwapwile nawa chisoneko helu lienyi ngwo, Yono Mwe Mwanangana wa A-Yunda.

Yoano 7:42

Chisoneko kuchambile ngwo, Kristu makatuka ku munyachi wa David, ni ku Mbeteleme, chihunda kuze apwile David, nyi?

Shimbi 1:15

Mba yinguchiza akwa lutwe ja minyachi yenu, akwa mana, akwa lufuma, hikwaapwisa akwa lutwe jenu, miata ja tununu, miata ja kulakaji, miata ja makumi atano, miata ja kumi, yilolo, nikulita ni minyachi yenu.

Kolosu 1:17

iye kapwa kulutwe lia yuma yeswe, ni yuma yeswe kuyakupwa muli iye.

Hebreu 13:8

Yesu Kristu chimuwika apwa, ni zau, ni musono, ni ndo ku miaka ya mutolo.

Hebreu 7:14

Mumu chinasoloka pundu Mwene wetu iye wa ku vungu lia Yunda; ha kutwala ku vungu lize Mose kahanjikile nichimwe ha kutwala ku usasendote.

1 Yoano 1:1

Yoze wapwile chize ku uputukilo, yoze Hitunamwivu, yoze hitunamumono ni meso jetu, yoze hitunamutale, ni moko jenu hitunamuvwavwata, ha kutwala ku liji lia mwono,

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.

Usolwelo 2:8

Kuli mungelo wa chikungulwila cha ku Semina Soneka ngwe, Yino yuma kanambe mwe mutangu, mwe kasula-songo, yoze wapwile mufu wahindukile ni mwono cheka nawa, ngwenyi,

Usolwelo 21:6

Iye yamba kuli yami ngwenyi, Hiyinamanunuka! Yami nguli mwe Alfwa ni mwe Omega, we uputukilo, ni lie songo. Mungukahana kuli yoze mevwa pwila ku fuji lia meya a mwono, chawana.

Akwa Kuyula 17:7

Kwapwile umwe mukweze wa ku Mbeteleme-Yunda wa munyachi wa Yunda, iye te Ka-Levi watwamine hakachi ko.

Rute 1:1

Ha matangwa muze ngaji ayulile mwapwile kapunga mu chifuchi, mba umwe lunga wa ku Mbeteleme-Yunda wayile mukutwama mu chifuchi cha Moape hamwe ni mukwo-pwo ni anenyi aali a malunga.

Rute 4:11

Aho atu eswe apwile mu chikolo hamwe ni makulwana yamba ngwo, Tuli yela. Ni yono pwo ananjila mu zuwo lie, Yehova akamupwise ngwe Rakele ni Liya waze hamuwika asangwile munyachi wa Izalele. Ukawahe mu Efrata, ukafumane mu Mbeteleme.

1 Samuel 10:19

Hindu tangwa lino lia musono hinwalituna Zambi yenu mukwa kunulamwina ku luyinda wenu mweswe ni lamba lienu lieswe, nikwamba kuli iye ngwenu, Hi chocho ko, alioze nutusele mwanangana kutuyula. Kashika solokenu kumeso ja Yehova nikulita ni minyachi yenu ni tununu twenu.

1 Samuel 17:12

David iye te mwana wa Ka-Efrata wa ku Mbeteleme-Yunda, jina lienyi Yese. Iye te kali ni ana a malunga nake, mukulwana chikolo ha matangwa a Saulu, hanakukwoka hakachi ka atu.

1 Samuel 17:18

Twala nawa kumi lia keju kuli kapitau ka kanunu ko, utale ayayenu chize atwama, ukatambule chifungo cho.

1 Samuel 23:23

Talenu kashika nukase chinyingi kweswe akuswamina nwize nungulweze chinyingi pundu. Mba munguya ni yenu, mba nyi mwali mu chifuchi mungumuwana, chipwe hakachi ka tununu eswe a A-Yunda.

1 Samuel 8:12

Maapwisa tupitau twa tununu ni tupitau twa makumi atano. Amwe mamuchipila minda, ni amwe macha mbuto yenyi, ni amwe mamufulila yikungo ya jita ni yikungo ya matemba jenyi.