Mika 5:13 - MUKANDA USANDU WA ZAMBI 1975

¹³ Mungukatetaho tuponya twenu ni manguji jenu hakachi kenu. Kunuchi kahetamina nawa ku yitanga ya moko jenu.

Mukanda Wa Zambi 1970

¹³ Mungukabalwola tuponya twenu ni manguji a mawe a chijila; kunuchi kakombelela nawa yuma yize nwakulinga yenwene.

Mika 5:13 Iomraidhean Croise

Izaya 2:18

Ni mahamba eswe kumakahwa wupu!

Izaya 2:8

Chifuchi cho chazala tò ni tuponya; kakuhetamina hashi ku yitanga ya moko jo, yize minwe yo hiyalinga.

Izaya 27:9

Kashika ni chuma chino makukila uhie wa Yakomba, ni chino muchipwa mihuko yingunu ha kuchiza shili yenyi; muze mapwisa mawe eswe a yilumbilo ngwe mawe a wunga a kufwenyona tuyifwenyu. Niumwe Ashera, nichimwe chilumbilo cha insensu muchikamana.

Ezekiel 16:41

Makocha mazuwo je nikukulinga upatwilo kumeso ja mapwo anji. Mungukamanyisa ndako je ja ukoi; kuchi kafweta nawa malunga.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Ezekiel 37:23

Kechi kalichisa nawa ni mahamba jo ni yuma yo ya kuvwisa kupiha, hanji Utanguko wo weswawo, alioze mungukaalamwina ku kukokoloka cho kuze havulumuna. Mungukaapemesa, mba kumakapwa atu jami, ni yami mungukapwa Zambi yo.

Ezekiel 6:9

mba waze kafwile makangwiwuluka hakachi ka mavungu kuze haatwala funge, chize hanangumakuna ni mbunge jo ja ukoi jize hijinangukatuka, ni meso jo aze hanaatalikisa ni ukoi ku mahamba jo. Ene meza kulivwila kupiha kumeso jo ene mumu ha yipi yize halinga ni yuma yo ya lwaji.

Hosea 10:2

Mbunge jo ja mafwefwe kashika chaatamba kumbata uhie wo. Yehova makapuzula yilumbilo yo nikwonwona manguji jo.

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Hosea 14:8

Eframe makamba ngwenyi, Chika chinguliko ni mahamba nawa? Ngunatá, ngunakuhulikila meso. Nguli ngwe mutondo wa kupresu wa wisu, mihuko ye yinakatuka kuli yami.

Nahume 1:14

Yehova hahana shimbi ha kutwala kuli yena ngwenyi, Kechi kulindulula jina lie nawa. Ku zuwo lia mazambi je munguteta tuponya twa kwola ni tuponya twa kuzuzulula. Mungufula fuka lie mumu uli mukwa luchisa.

Zefania 1:4

Mungukolola kwoko liami kulimika ni Yunda ni kulimika ni akwa Yerusaleme eswe. Mungukateta masalila ja Mbale kuma kwo kuno, ni lie jina lia asasendote ja mahamba,

Zakaria 13:2

Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Usolwelo 9:20

Mba masalila ja atu aze kaashihile ni lamba lino, kalikonyekeneko ha yitanga ya moko jo, hanga kechi kawayila andemoniu, ni mahamba ja oru, ni ja prata, ni ja kengelia, ni ja mawe, ni ja mitondo; waze kahashileko chipwe kumona, chipwe kwivwa, chipwe kwenda:

Akwa Kuyula 18:17

shimbu e ngendeshi atano anjilile nikwiya kaponya wa kwola, ni efode, ni terafimi, ni kaponya wa kuzuzulula. Sasendote te kanamana ku unjililo wa chikolo nikuhanjika ni kulakaji asambano a malunga ni yitwa yo ya jita.