Mika 5:11 - MUKANDA USANDU WA ZAMBI 1975

¹¹ Mungukateta yihunda yenu yeswe mu chifuchi chenu, nikupuzula yihunda yenu ya kukolesa.

Mukanda Wa Zambi 1970

¹¹ Mungukenyeka membo a mu chifuchi chenu ni kubuzwila yipanga yenu hashi.

Mika 5:11 Iomraidhean Croise

Izaya 1:7

Chifuchi chenu chapwa cha hululu; yihunda yenu hanayocho ni kahia; yilambala kanali chifuchi chenu kwe kumeso jenu; chapwa cha hululu, ngwe hanachipupu kuli yilambala.

Izaya 2:6

Mumu hiwalituna atu je, e akwa munyachi wa Yakomba, mumu hazala tò ni tahi ja ku Chivumbuko, ni akwa munanyi a kulifwa ni A-Filistea; kakukwata moko ni tundaka.

Izaya 27:9

Kashika ni chuma chino makukila uhie wa Yakomba, ni chino muchipwa mihuko yingunu ha kuchiza shili yenyi; muze mapwisa mawe eswe a yilumbilo ngwe mawe a wunga a kufwenyona tuyifwenyu. Niumwe Ashera, nichimwe chilumbilo cha insensu muchikamana.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Lungungu 2:2

Mwene hanonwona mazuwo eswe a Yakomba ni keke yakuhi. Mu ufwatulo wenyi hanapalwola yihunda yeswe ya tachi ya mwana-pwo Yunda. We wanangana ni akwa kuyulamo hanaanyase hashi ni kwasaula.

Ezekiel 38:11

ukambe ngwe, Mimguya kulimika ni chifuchi cha yihunda kuyishi yipanga-ya-mawe. Munguhulumukina hali atu ahwima waze anatwama ni chipi chakuhi, eswe kanatwama keshi ni yipanga-ya-mawe, chipwe njalo, chipwe mapito,

Hosea 10:14

kashika Chizungozungo cha jita muchisoloka hakachi ka atu jenu. Yihunda yenu yeswe ya kukolesa mayonwona, chizechene ngwe Shalamane yonwona Mbete-Arabele ha tangwa lia jita. Anaye te aafwenyene hamwe ni ana jo.

Amose 5:9

mukwa kuhenyesa kwonwona chenyi hali yitakame, hanga kwonwona chikeze ha yihunda ya kukolesa.

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.