Mika 5:10 - MUKANDA USANDU WA ZAMBI 1975

¹⁰ Yehova kanambe ngwenyi, Ha tangwa lize mungukateta tuvwalu twenu hakachi kenu nikwonwona matemba jenu a jita.

Mukanda Wa Zambi 1970

¹⁰ Mwene Zambi ngwenyi: “Ha matangwa waze mungukachiza tuvwalu twenu ni kwenyeka matemba jenu.

Mika 5:10 Iomraidhean Croise

Izaya 2:7

Chifuchi cho chazala tò ni prata ni oru, upite wo kuushi ni haze wasulila. Chifuchi cho chazala tò ni tuvwalu, matemba jo keshi ni haze asulila.

Jeremia 3:23

Pundu mindundena yinapu ya kutwonga ni mizumbu ya ha milundu. Pundu, ulamwino wa Izalele uli muli Yehova Zambi yetu.

Hosea 1:7

Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Hagai 2:22

mungununguna ngunja ja mawanangana; mungwonwona tachi ja mawanangana ja mavungu, nikununguna matemba-a-jita ni akwa kwaendesa. Tuvwalu ni akwa kwaendesa malimbuka mweswe ku katana wa mukwo.

Zakaria 9:10

Temba lia jita mungukaliteta ku Eframe; kavwalu wa jita mungukamuteta ku Yerusaleme. Uta wa jita makautetako, mba iye kumakatumina sambukila ku mavungu. Chiyulo chenyi muchikapwa chize ku kalunga-lwiji ndo ku kalunga-lwiji; chize ku Lwiji ndo ku masongo a hashi.

Shimbi 17:16

Chino wika, kanda aliokesela tuvwalu, hanji kuhilwisa atu ku Engitu hanga okese tuvwalu, mumu te Yehova wambile kuli yenu ngwenyi, Kunuchi kuhilukila ku jila yize nilimwe tangwa.