Mika 4:9 - MUKANDA USANDU WA ZAMBI 1975

⁹ Haliapwila kuchi te wakuteta ni liji linene? Mwanangana wakuhi hakachi kenu? Misongo hiyakukwata ngwe mukwa kufumbajala mumu mukwa kukwaha mana hanafu nyi?

Mukanda Wa Zambi 1970

⁹ Mumu yika unakololokela chocho ni liji linene? Mumu yika unamwena lamba ngwe pwo yoze Unevu musongo wa kusema? Kuushi ni mwanangana ni akwa kuyula je haanafu, nyi?

Mika 4:9 Iomraidhean Croise

Izaya 13:8

makalishimwoka. Misongo ni yikola muyiakwata, ha kulifwita mapwa ngwe pwo mu kufumbajala. Makalitala umwe ni mukwo ni mwongo, meso jo ngengu.

Izaya 21:3

Kashika miongo yami yazala ni kupinda, misongo yangukwata, misongo ya pwo nikufumbajala. Ngunafumbama, kashika Chahashile kwivwa. Ngunalifwichi, kashika Chahashile kumona.

Izaya 26:17

Ngwe kafumbakaji yoze mapinda nikuteta mu misongo yenyi, muze tangwa lienyi hiliakundama, chocho twapwile yetu mumu hali yena Yehova.

Jeremia 22:23

Ena watwama ha Lebano nikusa chaswa che ku misedru muwiza kutwa mikuma muze misongo ye muyikuwana; yikola ngwe ya pwo mu kufumbajala.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Jeremia 4:21

Ndo mwiji muka mungumona mbandeira ni kwivwa liji lia chitavwi?

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 48:41

Yihunda mayitambula ni mbonge majikumba. Mbunge ja tujita a Moape ha tangwa lize mujipwa ngwe mbunge ya pwo ha kufumbajala.

Jeremia 50:43

Mwanangana wa Babilonia wevwile lufuma wo mba moko jenyi ahongele ni upekepeke. Kulifwita chamukwachile; yikola ngwe ya pwo ha kufumbajala.

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Lungungu 4:20

Mwiku wa mu mazulu jetu, yoze wa kuwayisa ni maji kuli Yehova, hamukwata mu mawumbu jo, yoze te twambile ngwetu, Mututwama hakachi ka mavungu mu Chizulie chenyi.

Hosea 10:3

Mumu haliapwila mamba ngwo, Kutushi mwanangana niumwe mumu kutwevwilile woma Yehova, kashika mwanangana atulingile yika?

Hosea 13:13

Misongo ya kumusema hiyamuheta, alioze aye mwana keshi mana, mumu haliapwila kasolo kupalika ku utuhukilo wa chimbi.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Yoano 16:21

Pwo muze masema mwana, mapwa ni chinyengo, mumu ola yenyi hiyeza, alioze muze mwana hasemuka, keshi kwiwuluka nawa luyinda, ha uwahililo te mutu hasemuka hano hashi.

Usolwelo 12:2

Iye kali ni ufumba; kanatete nikufumbajala, ni kupinda aseme.