Mika 4:8 - MUKANDA USANDU WA ZAMBI 1975

⁸ Mba kuli yena kaposhi wa mbunga ya mapanga kanda mulundu wa mwana-pwo Zaione, kuli yena muchikeza, chiyulo cha ku shakulu muchikeza; wanangana wa mwana-pwo Yerusaleme.

Mukanda Wa Zambi 1970

⁸ Yena Yerusaleme, muma muze Zambi akufungila atu jenyi ngwe kafunga ka mapanga, kumuukabwa nawa limbo lia wanangana uze wabwile niwe.

Mika 4:8 Iomraidhean Croise

Ubutukilo 35:21

Izalele yaya mu jila yenyi, yajika mbalaka yenyi sali lize lia kaposhi wa Edere.

2 Samuel 5:7

Hindu David yatambula chihunda cha kukolesa cha Zaione, che chihunda cha David.

Nehemia 3:25

Palale mwana Uzai yalulika hatalanganyi ni chihata cha yipanga-ya-mawe ni ku kaposhi yoze watunda ku zuwo lia mwanangana ku tunda, kwe ku yize ya tulayi. Yahatako ku milimo Pedaia mwana Paroshe.

Miaso (Masamu) 24:7

Enu yajilo! hetulenu mitwe yenu, hetukenu enu mapito a mutolo; mba Mwanangana wa ulemu kumanjila.

Miaso (Masamu) 48:3

Zambi hanalisolola mu mazuwo ja mwanangana ngwe iye uchinyino unene.

Miaso (Masamu) 61:3

Mumu yena kuwapwa chiswamo chami, kanda kaposhi wa tachi wa kungufunga kuli akwa kole.

Mwaso Ubema Wahiana 4:4

Kota ye yapwa ngwe kaposhi ka David, wa kutunga akapwe wa kuswekelamo yitwa ya jita. Mwenamo hazezeleka kanunu ka kepwe, jeswe kepwe ja tujita.

Izaya 1:26

Mungutwamisa ngaji jenu nawa ngwe apwile hatangu, ni tuliamanga jenu ngwe ha uputukilo. Mba kulutwe manutongola ngwo, Chihunda cha ululi, chihunda chamwenemwene.

Izaya 10:32

Tangwa lia musono mamanyina ha Nobe ni kunuzozela kome, ku mulundu wa mwana-pwo Zaione, mulundu wa Yerusaleme.

Izaya 5:2

Yauchipa ni kuchizamo mawe eswe, yatumbamo mitondo yipema ya uva. Yatunga kaposhi wa kalayi ha muchima wawo, yafulamo ukamino wa uva. Yatalatala ukeme uva alioze wemine uva ja mu yambu wika.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 7:18

Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.

Obadia 1:21

Akwa kulamwina kumakaya ku mulundu wa Zaione akayule mulundu wa Esau, mba wanangana kumuukapwa wa mbala wa Yehova.

Mika 2:12

Enu A-Yakomba, pundu mungukanukunga eswe; mungukakunga masalila ja Izalele. Mungwasela hamuwika ngwe mapanga mu limba; ngwe mbunga ya mapanga ku ulilo wo; mbunga ya malunga ni chimbangwinya.

Zakaria 9:10

Temba lia jita mungukaliteta ku Eframe; kavwalu wa jita mungukamuteta ku Yerusaleme. Uta wa jita makautetako, mba iye kumakatumina sambukila ku mavungu. Chiyulo chenyi muchikapwa chize ku kalunga-lwiji ndo ku kalunga-lwiji; chize ku Lwiji ndo ku masongo a hashi.

Zakaria 9:12

Enu funge nwakutalatala, hilukenu kuma kwenu kwa tachi. Musono ngunanulweze ngwami, Mungukanukundulula yisuho yiali.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Kwalula 24:19

Umwe wa kuli Yakomba makayula. Kumakonwona atu a piliwij a mu membo.

Mateu 21:33

Ivwenu chishima chikwo ngwami, Kwapwile mutu mwenya zuwo, watumbile munda wa uva, wafulilemo ukamino, watungile kaposhi, waukunjikile kuli njimi, wayile ku chifuchi chikwo.

Marku 12:1

Iye waputukile kuhanjika kuli ayo ni yishima ngwenyi, Mutu watumbile munda wa uva, waujingulwile ni chipaka, watalile wina wa ukamino, watungile kaposhi, waukunjikile kuli njimi, mba wayile ku chifuchi chikwo.

Efesu 1:21

helu lia mawanangana eswe ni yiyulo yeswe, ni tachi jeswe, ni wene weswe, ni majina eswe waze anaavuluka hi ha mwakono wika ko, alioze ha uze muwizaho nawa.

Usolwelo 22:5

Kukuchi kapwa nawa ufuku; o kafupile pangu lia ndeya, chipwe lia tangwa, ka; mumu Mwene Zambi kumakapanguka hali ayo; o kumakayula ndo ku miaka yeswe ya mutolo.