Mika 4:7 - MUKANDA USANDU WA ZAMBI 1975

⁷ Yilema mungukaapwisa masalila, ni waze aambilile mungukaapwisa vungu lia tachi mba Yehova makapwa mwanangana wo mu mulundu wa Zaione chize ku mwakono ndo ku miaka yeswe.

Mukanda Wa Zambi 1970

⁷ Kaali yilema, kaali kusuku ni ku mahio, alioze mungubutula nawa ni waze asalile, mungukaapwisa vungu lia lufuma. Mungukaayula ha mulundu wa Zione, chize ku tangwa lize ndoo ku miaka yeswe.”

Mika 4:7 Iomraidhean Croise

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Izaya 16:5

mba makolesa ngunja ni utu wa zango, henaho matwama ni umwenemwene mu mbalaka ya David umwe mukwa kupatula ni kufupa ululi, umwe malipupwisa kulinga chize Chinalulama.

Izaya 24:23

Henaho kakweji makalifwita, ni tangwa mulikevwa sonyi; mumu Yehova-wa-Tujita makayula ha mulundu wa Zaione ni mu Yerusaleme, ni kumeso ja makulwana jenyi makasolola uhenya wenyi.

Izaya 6:13

Alioze umwe hakachi ka kumi malisalaho, hindu machocha nawa, ngwe mutondo wa terebine, hanji carvalho, uze wahichika chimbunji mu mavu ha kuupakula. Munyachi lisandu che chimbunji.

Izaya 60:22

Mulelu Wahiana kumakapwa munyachi, mukepe wahiana kumakapwa vungu lia ndundo. Yami nguli Yehova, mungutambwisa chuma chino ha mwaka wacho.

Izaya 66:8

Iya hevwa chuma chipwa haha? Iya hamona yuma yipwa haha? Chifuchi muchisemuka tangwa limuwika? Vungu mulisemuka kashimbu kakene? Mumu ha kuputuka misongo yenyi Zaione hasema ana jenyi.

Ezekiel 43:7

Yamba kuli yami ngwenyi, Mwana mutu, muno mwapwa muma mwa ngunja yami, muma mwa yiliato yami, muno mungukatwama hakachi ka atu ja A-Izalele ndo ku miaka yeswe. Akwa munyachi wa Izalele kechi kachisa nawa jina liami, chipwe ayo, chipwe mianangana jo, hanji ku ukoi wo, hanji ku mijimba ya mianangana jo ha manangamo,

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Joele 2:32

Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.

Joele 3:17

Chocho munukanyingika ngwenu, Yehova iye Zambi yetu katwama ha mulundu wenyi usandu wa Zaione. Mba Yerusaleme muyikapwa yisandu, ni yilambala kechi kupalikako nawa.

Obadia 1:21

Akwa kulamwina kumakaya ku mulundu wa Zaione akayule mulundu wa Esau, mba wanangana kumuukapwa wa mbala wa Yehova.

Mika 2:12

Enu A-Yakomba, pundu mungukanukunga eswe; mungukakunga masalila ja Izalele. Mungwasela hamuwika ngwe mapanga mu limba; ngwe mbunga ya mapanga ku ulilo wo; mbunga ya malunga ni chimbangwinya.

Mika 2:13

Mukwa kulokola kumakaatetekela; o makalokola, makanjila ku chikolo nikutuhukilako. Mwanangana wo makaatetekela; Yehova kulutwe lio.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Zefania 3:13

Waze malisalaho mu Izalele kechi kalinga chipi nichimwe. Kechi kahanjika mahuza; chipwe kuwana mu makanwa jo limi lia kwonga. Mumu makawana kelo; makapomba; niumwe makaakolesa woma wakuhi.

Zefania 3:20

Ha mwaka uze mungukanunjisa; mungukanukungulula; mumu mungukanupwisa jina lia lufuma ni uhaliso hakachi ka mavungu eswe a hashi muze mungukuhilwisa kuwaha chenu ku meso jenu. Chocho kanambe Yehova.

Luka 1:33

iye kumakayula akwa zuwo lia Yakomba ku miaka ya mutolo; ni wanangana wenyi kuuchi kuhwa.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.