Mika 4:5 - MUKANDA USANDU WA ZAMBI 1975

⁵ Mumu mavungu kakwenda vungu lieswe mu jina lia zambi yalio, alioze yetu mutwenda mu jina lia Yehova Zambi yetu ku miaka yeswe ya mutolo.

Mukanda Wa Zambi 1970

⁵ Vungu ni vungu kakuwayila ni kwononokena zambi yo, alioze yetu twakuwayila ni kwononokena Mwene Zambi, Zambi yetu, ku miaka yeswe ni miaka yeswe.

Mika 4:5 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

1 MIANANGANA 17:29

Hindu akwa vungu lieswe alingile mazambi jo ene; yaasa mu mazuwo ja manangamo aze A-Samaria te halinga, akwa vungu lieswe mu yihunda kuze atwamine.

1 MIANANGANA 17:34

Ndo tangwa lia musono analingi nikulita ni ndako jo jikulu. Kavwilile woma Yehova; kalingile nikulita ni yiyulo yo, hanji maliji jo a shimbi, hanji je shimbi, hanji maliji aze Yehova watumine ana ja Yakomba yoze te amulukile Izalele.

Miaso (Masamu) 20:6

Haliapwila ngunanyingika ngwami, Yehova Kakulamwina yoze hanamuwayisa ni maji. Mamukumbulula ku malilu jenyi asandu ni tachi ja kulamwina ja ku chindume chenyi.

Miaso (Masamu) 48:14

Mumu Zambi yono Zambi yetu ndo ku miaka yeswe ya mutolo. Iye kumapwa kasongo ketu ndo ku kutwa.

Miaso (Masamu) 71:16

Mungwiza ni yitanga ya ndundo ya Mwene Yehova; munguvulwoka ululi we, ewa, wa yena wika.

Izaya 2:5

Enu akwa munyachi wa Yakomba, tweyenu tukende mu pangu lia Yehova.

Izaya 26:13

Yehova Zambi yetu, ene akwo hatuyula helu lia yena nawa, hindu tunatayiza jina lie wika.

Izaya 26:8

Yehova, tunakutwaminyina mwe mu jila ya upatwilo we. Jina lie lia kwiwuluka kuliapwa lia kuzanga mu mbunge jetu.

Jeremia 32:40

Mungukakolesa no usendo wa mutolo, chichi katewuluka kuli ayo kulitwamina kwalinga yipema, mba mungukasa woma wami mu mbunge jo hanga o nawa kechi katewuluka kuli yami.

Zakaria 10:12

Mungukaatakamisa muli Yehova mba kumakenda mu jina lienyi. Chocho kanambe Yehova.

Yilinga 14:16

iye ha yisemuko yize hiyinapalika Watayijile mavungu eswe kwenda mu majila jo ene.

Shimbi 27:10

Kashika, zeyenu ku liji lia Yehova Zambi yenu, nulinge maliji jenyi a shimbi ni yiyulo yenyi, ngunanwambeyo musono.

Kolosu 2:6

Kashika chizechene ngwe nwatambwile Kristu Yesu mwe Mwene, chocho endenu muli iye;

Kolosu 3:17

Cheswacho munulinga, chipwe ha liji, chipwe ha chitanga, lingenu yuma yeswe mu jina lia Mwene Yesu, muli iye Sakwilenu kuli Zambi kanda mwe Tata.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.