Mika 4:4 - MUKANDA USANDU WA ZAMBI 1975

⁴ alioze mutu mweswe matwama mushi lia mutondo wenyi wa uva hanji mushi lia mutondo wenyi wa makuyu; niumwe maavwisa woma mumu kanwa lia Yehova-wa-Tujita hilinahanjika.

Mukanda Wa Zambi 1970

⁴ Mutu mweswe makatwama mu uhwimino mushi lia mitondo yenyi ya vinyu ni ya mikuyu, kukuchi kabwa niumwe yoze makamuvwisa woma. Mwene Zambi Mukwa Ndundo Jeswe hanachilakenya.

Mika 4:4 Iomraidhean Croise

1 Yitanga Ya Mianangana 4:25

A-Yunda ni A-Izalele atwamine kawape mutu mweswe mushi lia mutondo wenyi wa uva hanji mukuyu, chize ku Ndane ndo ku Mbia-shipa matangwa eswe a Solomone.

1 Yitanga Ya Mianangana 5:5

Kashika ngunazange kutunga zuwo ha jina lia Yehova Zambi yami chizechene ngwe Yehova yamba kuli tata David ngwenyi, Mwané yoze mungusa ha ngunja ye kukusalakana, iye makatunga zuwo ha jina liami.

Jobe 11:19

Kumukapomba, niumwe mahasa kukukolesa woma. Anji meza nikuwunjila kuli yena.

Miaso (Masamu) 72:3

Milundu muyikaneha sambukila kuli atu, mindundena nawa mu ululi.

Yishima 3:25

Kanda wivwa woma wa mwongo wa susumuku, hanji wa kwonwona cha yingulungulu muze muchiza;

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Izaya 17:2

Yihunda yenyi mayichina ndo ku miaka yeswe; kumuyipwa wendelo wa yimuna waze mautaminako, mba niumwe maavwisa woma.

Izaya 22:25

Yehova-wa-Tujita kanambe ngwenyi, Ha tangwa lize lumbambo yoze te angukolesele homa hakola kumakasokoka. Makamuteta, makaholoka, mba chiteli chize chapwileho makachiteta, mumu Yehova hanachambe.

Izaya 26:16

Mu lamba lio akufupile yena Yehova, alembelelele ni tachi muze te yena unaafumbu.

Izaya 32:17

Songo lia ululi mulipwa uhwimino, ni ku-ululi mukwiza kuhwima ni kufuliela ndo ku miaka yeswe.

Izaya 36:16

Kanda nupanjika kuli Hezekia mumu mwanangana wa Asuria kanambe ngwenyi, Litesenu ni yami nutuhuke kuli yami; mba munulia mutu mweswe ku mutondo wenyi wa uva, ni mutondo wenyi wa makuyu, ni mweswe manwa ku meya a mu shima lienyi:

Izaya 40:5

Ni uhenya wa Yehova kumakausolola, ni musunya weswe maumona hamuwika, mumu ka nwalia Yehova hilinachambe.

Izaya 54:14

Mukajikijila mu ululi, mukatwama kusuku ni upinjiso, mumu kuchi kwivwa woma; mukatwama kusuku ni mwongo mumu kuuchi kakukundama.

Izaya 58:14

mba munukawahilila muli Yehova, ni yami mungukanwendesa ha milundu ya hashi. Mungukanulisa ni chihinga cha tatenu Yakomba, mumu kanwa lia Yehova hilinambe.

Jeremia 23:4

Mungwasela tufunga waze maafunga mba kechi kevwa nawa woma chipwe kulishimwoka. Niumwe makahona nawa. Chocho kanambe Yehova.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Ezekiel 34:25

Mungukakolesa no usendo wa sambukila. Mungukahuma tushitu eswe asasu mu chifuchi, mba mahasa kutwama mu puya ni kupomba mu musenge ni chipi chakuhi.

Ezekiel 34:28

Kechi kapwa nawa a kupupa kuli akwa mavungu; tushitu a mu chifuchi kechi kaawumbula nawa. Makatwama ni chipi chakuhi; niumwe makaakolesa woma.

Ezekiel 38:11

ukambe ngwe, Mimguya kulimika ni chifuchi cha yihunda kuyishi yipanga-ya-mawe. Munguhulumukina hali atu ahwima waze anatwama ni chipi chakuhi, eswe kanatwama keshi ni yipanga-ya-mawe, chipwe njalo, chipwe mapito,

Ezekiel 39:26

Kumakavulama sonyi jo, ni mafwefwe aze eswe angulingile, muze makatwama kawape mu chifuchi cho ni yoze maavwisa woma wakuhi;

Alevi 26:6

Mungunwaha uhwimino mu chifuchi. Munupomba kanawa, niumwe manuvwisa woma. Munguchiza ngongo api mu chifuchi. Chipwe katana ka jita kechi kupalika mu chifuchi chenu.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Zefania 3:13

Waze malisalaho mu Izalele kechi kalinga chipi nichimwe. Kechi kahanjika mahuza; chipwe kuwana mu makanwa jo limi lia kwonga. Mumu makawana kelo; makapomba; niumwe makaakolesa woma wakuhi.

Zakaria 3:10

Yehova-wa-Tujita kanambe ngwenyi, Ha tangwa lize yenu eswe, mutu ni mutu, makalakenya mwenyembo kutwama mushi lia mutondo wenyi wa uva ni wa mukuyu.