Mika 4:3 - MUKANDA USANDU WA ZAMBI 1975

³ Iye kumakapatwila mavungu anji ni kukanjisa mavungu a tachi kusuku; mba kumakalumuna tutana two mu yikungo ya sharua, ni makunga jo makalumuna mu poko ja kululika mitondo. Vungu kulichi kakwata katana kulimika ni vungu likwo. Kechi kalilongesa jita nawa nilimwe tangwa,

Mukanda Wa Zambi 1970

³ Iye makabatula milonga ya mavungu, mavungu a lufuma a hakamwihi ni kusuku. No maakalumuna mikwale yo kubwa matemo a kulima no, ni makunga jo kubwa poko ja milimo. Mavungu keechi kwasa nawa jita, chibwe kulilongesa yo.

Mika 4:3 Iomraidhean Croise

Miaso (Masamu) 46:10

Holenu, nunyingike, yami Zambi. Mungukanangama hakachi ka mavungu; mungukanangama hashi heswe.

Miaso (Masamu) 46:9

Hamanununa jita ndo ku songo lia hashi; kakumakuna uta; kakupatula kunga hakachi; kakwocha ni kahia matemba a jita.

Miaso (Masamu) 72:3

Milundu muyikaneha sambukila kuli atu, mindundena nawa mu ululi.

Miaso (Masamu) 72:7

Ha matangwa jenyi akwa ululi kumakawaha kulumbama cha sambukila ndo kakweji wakuhi nawa.

Miaso (Masamu) 82:8

Katuka Zambi! Patwila akwa hashi. Mumu yena kumukahinga mavungu eswe.

Miaso (Masamu) 96:13

kumeso ja Yehova mumu kaneza. Kaneza mukupatwila akwa hashi, kumakapatwila muno-muze ni ululi, ni mavungu kumakaapatwila ni umwenemwene.

Miaso (Masamu) 98:9

kumeso ja Yehova, mumu kaneza mukupatwila hashi. Kumakapatwila muno-muze ni ululi. Kumakapatwila mavungu ja atu nikulita.

Izaya 2:4

Iye makapatwila mavungu, makasela yiyulo hali minyachi yinji. O makalumuna tutana two akapwe yikungo ya sharua, makalumuna makunga jo akapwe poko ja kululika mitondo ya mihuko. Akwa vungu limwe kechi kasa jita ya katana ni akwa vungu likwo; kechi kalilongesa nawa kwasa jita.

Izaya 25:3

Kashika mavungu a tachi makakuchichimieka, yihunda ya mavungu a uswi muyikakuvwila woma.

Izaya 51:5

Ululi wami unakundama fuji; ulamwino wami hiunatuhuka. Moko jami mayula mavungu, akwa mbaka mangutwaminyina, matalatala kwoko liami.

Izaya 60:12

Mumu munyachi hanji wanangana wa waze kanuvumbikile kumuukakuwa. Mavungu aze kumakaonwona.

Izaya 65:25

Kangunga ni mwana-panga makalia hamuwika, ndumba makalia mwambu ngwe ngombe. Fufuta muyikapwa kulia cha lunoka. Kechi kavwisa yikola hanji kwenyeka mweswe mu mulundu wami usandu. Chocho kanambe Yehova.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Hosea 2:18

Ha tangwa lize mungukakukolesela usendo ni tushitu a mu yambu, ni tujila a mu tetela, ni tututu a hashi. Mungukamakuna mu chifuchi, mata, ni tutana, ni jita. Mungukakupombesa kuze chipi chakuhi.

Hosea 2:20

Mungukakumbata, yami mwene, ni umwenemwene mba kumukanyingika Yehova.

Joele 3:2

mungukakungulula mavungu eswe, mungukaapalumwisa ku chana cha Yehosofate. Kuze mungukasopa no hali atu jami ni ha chihinga chami Izalele, waze hanaamwange hakachi ka mavungu nikulitetiela chifuchi chami.

Mika 5:15

Ni utenu ni ufwatulo mungufwetesa mavungu aze kononokene.

Zakaria 14:3

Mba Yehova makatuhuka mukwasa jita ni mavungu aze ngwe akulinga ha tangwa lia jita.

Zakaria 8:20

Yehova-wa-Tujita kanambe ngwenyi, Mavungu meza kwiza, e atu a ku yihunda yinji.

Zakaria 9:10

Temba lia jita mungukaliteta ku Eframe; kavwalu wa jita mungukamuteta ku Yerusaleme. Uta wa jita makautetako, mba iye kumakatumina sambukila ku mavungu. Chiyulo chenyi muchikapwa chize ku kalunga-lwiji ndo ku kalunga-lwiji; chize ku Lwiji ndo ku masongo a hashi.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

Usolwelo 19:11

Mba namwene lilu lia kwazulula; ni kumanyi, kavwalu mutoma, ni yoze unatwamako anamuvuluka ngwo, Wamwenemwene, Keshi-mahuza; iye yapatula, yasa jita ni ululi.

1 Samuel 2:10

Waze malitachika ni Yehova kumakamakwoka tuyipinji; malimika no nikukulunguza mwilu. Yehova makapatwila masongo a hashi. Makahana tachi kuli mwanangana wenyi; makazundula mbinga ya yoze hamuwayisa ni maji.