Mika 4:13 - MUKANDA USANDU WA ZAMBI 1975

¹³ Mwana-pwo Zaione, katuka uzungule! Mumu mungupwisa mbinga ye ya utale, ni sende je ja unengu ukapalwole mavungu anji. Kumukatumbikila kufumbuka cho kuli Yehova; upite wo mukauhana kuli Mwene wa hashi heswe.

Mukanda Wa Zambi 1970

¹³ Mwene Zambi ngwenyi: “Yenu akwa Yerusaleme, yeenu numwese akwa kole jenu lamba! Yami mungukanutakamisa ngwe kuji a mbau yoze uli ni mbinga ja utale ni sende ja unengu. Munukawonda mavungu anji, ubite uze abubile mu jita munukangulambula wo yami Mwene Zambi ya hashi heswe.”

Mika 4:13 Iomraidhean Croise

Miaso (Masamu) 24:1

Hashi ha mbala ha Yehova, ni yuma yeswe yiliho; ni muno-muze ni aze eswe atwamamo.

Miaso (Masamu) 68:29

Mianangana kumakunehena milambu mumu ha tembele ye ku Yerusaleme.

Miaso (Masamu) 72:10

Mianangana a Tashi ni a ku matungu kumakamulambula. Mianangana a ku Shipa ni a ku Sepa makahana yawana.

Izaya 18:7

Ha mwaka uze maneha milambu kuli Yehova-wa-Tujita ku vungu lia atu asuku, asenena, ku vungu lia atu a kukolesa woma kwihi ni kusuku, vungu lia tachi, lia kukumba; chifuchi cho cha kupulapula ni njiji, kwe ku mulundu wa Zaione, kuma kwa jina lia Yehova-wa-Tujita.

Izaya 21:10

Mama yami, kuzungula chami, ni mbuto ya ha chizungwilo chami! Cheswacho hinevwa kuli Yehova-wa-Tujita, mwe Zambi ya Izalele, ngunanwambulwilacho.

Izaya 23:18

Yuma yenyi ya kutalika ni fweto yenyi makayitumbikila kuli Yehova. Kechi kayitulika hanji kuyitongowenya, alioze yuma yenyi ya kutalika muyipwa kulia cha kulumbama ni mazalo apema kuli waze anatwama kumeso ja Yehova.

Izaya 5:28

Mivu yo ya kukalula, mata jo a kunana; sende ja tuvwalu jakala ngwe liwe lia kahia, maroda jo ngwe chijimbi,

Jeremia 51:20

Alioze yena uli muhato wami kanda chitwa cha jita; ni yena mungupatwola mavungu yipalupalu; ni yena mungwonwona mawanangana.

Jeremia 51:33

Mumu Yehova-wa-Tujita, Zambi ya Izalele kanambe ngwenyi, Mwana-pwo Babilonia hanapu ngwe chizungwilo ha mwaka wa kuzungula. Kwasala hakehe mba mwaka wa kucha muwiza kuli iye.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Hosea 10:11

Eframe wapwile te chimbembe cha ngombe wa kulongesa. Wazangile chikolo kuzungula mbuto kashika chapinjishile kota yenyi yipema. Alioze mungulema Eframe ye kanga. Chatamba Yunda kukoka sharua; chatamba Yakomba kulipupila mavu mwene.

Mika 5:7

Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Habakuke 3:12

Yiutangunukina hashi ni ufwatulo, nikuliata mavungu ni utenu.

Zakaria 12:3

Ha tangwa lize mungukapwisa Yerusaleme luliwe lulemu ha mavungu eswe. Waze eswe maluzundula malilemeka, ni mavungu eswe a hashi malikungulula kulimika nalwo.

Zakaria 12:6

Ha tangwa lize mungukapwisa akwa minyachi ya Yunda ngwe ndeho ya kahia hakachi ka kunyi; ngwe soka lia kahia lia kulekwoka hakachi ka yichita ya mwambu. Kumakalalisa mavungu eswe a kwajingilika ku sali lia chindume ni lia chimeso, shimbu Yerusaleme muyitwama ni atu jamo lume, mwe mu Yerusaleme.

Zakaria 4:14

Aye yamba ngwenyi, Wano e aali a kuwayisa ni maji akumana kumeso ja mwe Mwene wa hashi heswe.

Zakaria 6:5

Mungelo yangukumbulula ngwenyi, Wano fuji jiwana ja malilu jize jakutuhuka muze te halikunjika kuli Mwene wa hashi heswe.

1 Korintu 16:2

Ha tangwa litangu lia semana, eswe a kuli yenu akatumbikile chihanda, nikulita ngwe hanawahisa, hanga kukuchi kapwa kukunga cha mbongo muze mungwiza.

Shimbi 33:25

Njalo je mujikapwa ja utale ni unengu. Tachi je mujikalita ni matangwa je.

Yoshua 6:19

Alioze yuma yeswe ya prata ni ya oru, ni yikwachilo ya unengu ni ya utale, yapwa yisandu kuli Yehova. Munuyisa mu milambu ya Yehova.