Mika 4:11 - MUKANDA USANDU WA ZAMBI 1975

¹¹ Haliapwila mavungu anji hanakukungulukila ngwo, Akamujilule! Meso jetu atale Zaione—ne.

Mukanda Wa Zambi 1970

¹¹ Mavungu anji haanalikungulula alimike ni yena. Kwamba cho ngwo: “Yerusaleme chatamba kumwonona! Limbo lino tulienyeke!”

Mika 4:11 Iomraidhean Croise

Miaso (Masamu) 129:5

Waze eswe akuvwila kole Zaione akevwe sonyi akahiluke kunyima.

Miaso (Masamu) 83:5

Mumu halitesa ni mbunge yimuwika. Kakukolesa usendo wa kulimika ni yena.

Izaya 10:7

Alioze aye kachipalile chocho, ni manyonga jenyi kapwile chocho. Aye kananyongo kwenyeka, ni kutetaho mavungu anji.

Izaya 17:12

Cho kunuma cha mavungu anji, kananumu ngwe kunuma cha kalunga-lwiji! Cho kuchungula cha mavungu, kanachungula ngwe kuchungula cha meya anji!

Izaya 29:7

Mba mbunga ya mavungu eswe a kwasa jita ni Ariele, waze akulwa nenyi, ni mbonge yenyi, ni kumupinjisa, mapwa ngwe chilota, ngwe usolwelo wa ufuku.

Jeremia 52:4

Ha mwaka wamuchilivwa wa kuyula chenyi, ha kakweji wamuchikumi, ni tangwa liamuchikumi lia kakweji, Nabukanezore mwanangana wa Babilonia yeza ni tujita twenyi eswe kulimika ni Yerusaleme. Yasa chilombo chenyi kulimika nacho; yatunga mbonge kweswe kwa kujingilika.

Ezekiel 26:3

kashika Mwene Yehova kanambe ngwenyi, Kunalimika ni yena Teru, mba mungukakoka mavungu anji kulimika ni yena chizechene ngwe kalunga-lwiji kakuneha mikanya.

Ezekiel 38:17

Mwene Yehova kanambe ngwenyi, Yena uli mwe mutu natongwele ha shakulu ku makanwa ja tuvumbi twami aprofeta ja Izalele. Te ha matangwa aze aprofetezele miaka ngwo, Yehova makakukoka ukalimike no.

Obadia 1:12

Kuchakutambile kutala ha tangwa lia mwanakwenu; ha tangwa lia lamba lienyi. Kuchakutambile kuwahilila ha kumona A-Yunda ha tangwa lia kwaonwona, chipwe kuhanjika nikulengumuka ha tangwa lia luyinda.

Mika 7:10

Mba mukwa kole yami makamona, ni sonyi mujikafuka yoze wangwambile ngwenyi, Yehova Zambi ye kuli ali? Meso jami kumakamutala ni kulikwiza; mba makamuliata ngwe malowa a mu tapalo.

Zakaria 12:3

Ha tangwa lize mungukapwisa Yerusaleme luliwe lulemu ha mavungu eswe. Waze eswe maluzundula malilemeka, ni mavungu eswe a hashi malikungulula kulimika nalwo.