Mika 4:10 - MUKANDA USANDU WA ZAMBI 1975

¹⁰ Mwana-pwo Zaione, pinda ni mikuma ngwe mukwa kufumbajala, mumu haliapwila mukatuka ku chihunda ukatwame mu yambu, kumuoya ku Babilonia. Kwenako makakupulwila; kwenako Yehova makakukulila ku tachi ja akwa kole je.

Mukanda Wa Zambi 1970

¹⁰ Binda, utete, yena Zione, ngwe pwo yoze unafumbajala ha kusema, mumu munukatuka mu limbo, munutwama mu chana. Muuya ku Babilone, alioze kwenako Zambi makakulamwina kuli akwa kole je.

Mika 4:10 Iomraidhean Croise

1 MIANANGANA 20:18

Ni amwe a kuli ana je a malunga waze matuhuka muli yena, yena muasema, kumakaatwala. Kumakapwa aunuku mu zuwo lia mwanangana wa Babilonia.

1 MIANANGANA 25:4

Henaho yalokola chipanga cha chihunda, mba tujita eswe yachina ha ufuku jila ya chikolo cha hakachi ka yipanga yiali kwe ku munda wa mwanangana. (A-Kaletea o analimika ni chihunda kweswe kwa kujingilika), mba mwanangana yayila jila ya ku Arapa.

2 Sango Ja Mianangana 33:11

Kashika Yehova waatumine tupitau twa tujita twa mwanangana wa Asuria. Yakwata Manase mu malenge; yamukashila mu kuli, nikumutwala ku Babilonia.

2 Sango Ja Mianangana 36:20

Waze kafwile ni katana yaambata ku Babilonia. Apwile ndungo kuli iye ni ana jenyi ndo ku chiyulo cha wanangana wa Persia,

2 Sango Ja Mianangana 36:23

Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda. Mweswawo uliko hakachi ka yenu eswe atu jenyi, aye akanduke, ni Yehova Zambi yenyi apwe hamwe nenyi.

Miaso (Masamu) 106:10

Waapulwile ku kwoko lia yoze waavwilile kole. Waakulile ku kwoko lia mukwa kole.

Izaya 43:14

Yehova Mukwa-Kunukula, mwe Musandu wa Izalele kanambe ngwenyi, Ha mukunda wa yenu mungukatuma ku Babilonia, mungukamakuna njalo jeswe, mba kukalumioka cha A-Kaletea muchalumuka kulila mbimbi.

Izaya 45:13

Hinamusongojola mu ululi, mba mungukalulamisa majila jenyi eswe. Kumakatunga chihunda chami, ni kutusula atu jami atwama kusuku ni mahio; kechi kachilinga mumu ha ndando hanji kwononona. Chocho kanambe Yehova-wa-Tujita.

Izaya 48:20

Katukenu ku Babilonia! Chinenu Kaletea! Ambululenu chino ni liji lia kulikwiza, chivwisenu! Tumenu liji lino ndo ku songo lia hashi. Ambenu ngwenu, Yehova hakula kavumbi kenyi Yakomba.

Jeremia 13:4

Anda hina lize unakalanda unazala mu zalilo; katuka uye ku Ufrateze ukalisweke mu chivwenge mu luliwe.

Jeremia 15:21

Mungukupulula ku kwoko lia chingulungulu; mungukuhula ku tachi ja mukwa uswi.

Jeremia 29:20

Ivwenu liji lia Yehova, enu njize eswe hinachiza ku Yerusaleme ni kunutuma ku Babilonia.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 48:41

Yihunda mayitambula ni mbonge majikumba. Mbunge ja tujita a Moape ha tangwa lize mujipwa ngwe mbunge ya pwo ha kufumbajala.

Jeremia 52:27

Mba mwanangana wa Babilonia yaalamba, yaashiha mu Ribila mu chifuchi cha Hamate. Chocho yachiza Yunda mu chifuchi chenyi nikumutwala funge.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Hosea 13:13

Misongo ya kumusema hiyamuheta, alioze aye mwana keshi mana, mumu haliapwila kasolo kupalika ku utuhukilo wa chimbi.

Hosea 2:14

Kashika mungukamulembejeka, ni kumukoka ku puya, ni kuhanjika kuli iye ni vumbi.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Usolwelo 12:14

Alioze ahanyine kuli pwo mapulwa aali a pupa munene, hanga akahumuke ku puya kuma kwenyi kuze akumuhokela mwaka, ni miaka, ni chihanda cha hakachi cha mwaka, kanamusweke kuli kapela.