Mika 4:1 - MUKANDA USANDU WA ZAMBI 1975

¹ Muchikapwa ha matangwa a kusula mulundu wa zuwo lia Yehova makaukolesa ngwe mulundu uze Wahiana kusuha. Makalinangamisa helu lia mindundena mba mavungu mazombokelamo.

Mukanda Wa Zambi 1970

¹ Ha matangwa akusula mulundu wa zuwo lia Zambi muubwa mulundu usuku kuhiana milundu yikwo yeswe. Mavungu anji maakeza ko;

Mika 4:1 Iomraidhean Croise

Ubutukilo 49:1

Mba Yakomba yasanyika anenyi a malunga ngwenyi, Kungulukenu hamuwika ngunwambulwile chize muchinuwana ku matangwa a ku songo.

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Miaso (Masamu) 48:1

Yehova iye munene, amuhalise mwimbo lia Zambi yetu, ha mulundu wenyi usandu.

Miaso (Masamu) 86:9

Mavungu aze eswe watangile kumeza akawayile kumeso ja yena mwe Mwene, akachichimieke jina lie.

Izaya 27:13

Ha tangwa lize mahumuna chitavwi chinene, ni waze anatoko mu chifuchi cha Asuria ni waze aahumine aye ku Engitu meza akawayile Yehova ha mulundu usandu ku Yerusaleme.

Izaya 43:6

Mungwamba ku Norte ngwami, Echako! Ku Sule mungwamba ngwami, Kanda ulalaminya! Chizenu ana jami a malunga kusuku; chizenu anami a mapwo ku songo lia hashi,

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 54:2

Tohesa chihela cha mbalaka ye, zazulula mahina ja mazuwo je. Kanda ukokoloka; suhisa mihipu ye, kolesa mbambo je.

Izaya 56:7

wano mungwaneha ku mulundu wami lisandu, ni kwaaha uwahililo mu zuwo liami lia kulembela. Milambu yo ya kulumba ni yitapo yo mungutambula ha chilumbilo chami; mumu zuwo liami malitongola ngwo, Zuwo lia kulembela lia mavungu eswe.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Jeremia 3:17

Ha miaka yize matongola Yerusaleme ngwo, Ngunja ya Yehova, ni mavungu eswe maswilako kumeso ja Yehova mu Yerusaleme mba kechi kasa nawa pami kukaula mbunge ja ayo ene jipi.

Jeremia 31:12

Kumakeza ni kwimba ni liji linene ha mulundu wa Zaione; kumakalikwiza ha yuma yipema ya Yehova, mbuto, ni vinyu, ni maji, ni misamba ya mapanga ni ngombe. Mwono wo kumuukapwa ngwe chala cha kutuchika, mba kechi kahonga nawa.

Jeremia 48:47

Hindu munguhilwisa nawa kuwaha cha Moape ha matangwa a kusula. Chocho kanambe Yehova. Ndo hano, we upatwilo wa Moape.

Ezekiel 38:16

Mukeza kulimika ni atu jami A-Izalele, ngwe lelwa lia kufuka chifuchi. Ha matangwa a kusula mungukakukoka ulimike ni chifuchi chami hanga mavungu ukangunyingike muze mungukasolola usandu wami muli yena Ngoke kumeso jo.

Ezekiel 40:2

Mu usolwelo wa Zambi liangunehene ku chifuchi cha Izalele ni kungutumbika ha mulundu umwe usuku chikolo, henaho hapwile ngwe kweseka cha chihunda ha sali lia ku Sule.

Ezekiel 43:12

Ye shimbi ya tembele yino: chihela cheswe cha kujingilika helu lia mbulwa mulundu chikapwe chisandu chahiana. Nyingikenu, yino ye shimbi ya tembele.

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 2:28

Alioze umwe Zambi mwilu mwali mukwa kujimbula yijimbikilo, mba iye hasolola kuli mwanangana Nabukanezore yuma yize muyikapwa ha matangwa a kusula. Chilota chenu ni usolwelo wa mutwe wenu shimbu nuli ha muhela wenu, yino:

Daniel 2:35

Henaho utale, ni uma, ni unengu, ni prata, ni oru, yeswe yafwenyokene hamuwika; yalumuka ngwe yizungu ya ha chizungwilo cha ha lwiza, mba fuji yiyiyihehula chocho kahashile kuwana chipwe kamwe kachinyingi kayo. Alioze liwe lize lialambile kaponya lialumukine lumulundu lunene; liazalishile hashi heswe.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Daniel 7:18

Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.

Daniel 7:22

ndo ku kwiza cha mwe Mukulu-wa-Matangwa, muze ahanyine chiyulo kuli asandu ja mwe Chitunda, mwaka hiwaheta muze asandu matambula wanangana.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Zakaria 14:10

Chifuchi cheswe muchikalumuka chana chize ku Ngeba ndo ku Rimone sali lia Yerusaleme ku Sule. Alioze Yerusaleme muyikanangama ha chihela chayo chize ku chikolo cha Mbenjamine ndo kuze kwapwile chikolo chikulu, ndo ku chikolo cha mbango, ni chize ku kaposhi ka Hananele ndo ku ukamino wa vinyu wa mwanangana.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Yilinga 2:17

Kumuchikapwa ha matangwa a kusula, chocho anambe Zambi ngwenyi, Kumungukazukula Spiritu yami hali atu eswe; ni anenu a malunga ni anenu a mapwo kumakaprofeteza, ni akweze jenu kumakamona usolwelo, ni makulwana jenu kumakalota yilota:

Hebreu 1:2

ha kusula songo lia matangwa ano, hanahanjika kuli yetu muli Mwanenyi, yoze hanamupwisa swana ya yuma yeswe, ku tachi jenyi nawa watangile miaka.

2 Petulu 3:3

Chuma chitangu nyingikenu ha matangwa a kusula, akwa kukekuna kumakeza ni kukekuna, nikwenda nikulita ni usolo wo ene.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.

Usolwelo 20:4

Mba namwene ngunja ni waze atwamineho, mba aahele upatwilo: namwene alma ja waze aatapile ha Shindakenyo ya Yesu, ni ha liji lia Zambi, ni waze kawayilile ngongo, chipwe kaponya kenyi, ka, katambwile mufunda ha mahuma jo ni ha moko jo; o atwamine ni mwono, ayulile hamwe ni Kristu kanunu ka miaka.