Mika 3:9 - MUKANDA USANDU WA ZAMBI 1975

⁹ Panjikenu, enu akwa lutwe mu munyachi wa Yakomba, ni akwa kuyula mu munyachi wa Izalele. Enu upatwilo wa kulita wanupihila, nwakuhengesa ululi weswe.

Mukanda Wa Zambi 1970

⁹ Yenu miata ja Aisraele, ngubanjikenu yenu waze nwakuvutwokela ululi ni kwalumuna yibema kubwa yibi.

Mika 3:9 Iomraidhean Croise

Nehemia 13:17

Nasopele ni alemu ja A-Yunda ngwami, Chuma chino chipi nunalingi kuchi? Nunajilula tangwa lia Sambata.

Kutuhuka 3:16

Yako ukakungulule hamuwika makulwana a A-Izalele. Amba kuli ayo ngwe, Yehova, Zambi ya tulamba twenu, Zambi ya Apalahama, ni ya Izake, ni ya Yakomba, hanasoloka kuli yami ngwenyi, Pundu hinanutala, hinamona chize ananulingi mu Engitu.

Yishima 17:15

Yoze masambisa chingulungulu ni yoze mahisa mukwa ululi, eswe ni aali kapwa chizelwokeso kuli Yehova.

Yishima 17:23

Chingulungulu kakuchiza chindo mu tulo akahengese majila ja upatwilo.

Yishima 18:5

Kupwa ni katonde kuli chingulungulu kuchapemene; chipwe kuhisa mukwa ululi ha upatwilo.

Yishima 21:7

Upupilo wa yingulungulu muukaahungumuna mumu kasolo kulinga ni upatwilo.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Jeremia 5:28

Hatoha, hasenena. Keshi ni haze mapwisa ha kulinga ungulungulu; Kapatwile ni kulita chikuma cha ana-shiwa chikawahe; keshi kufunga chize chinalite kuli yiswale.

Ezekiel 44:23

Makalongesa atu jami kuhandununa hakachi ka yuma yisandu ni yuma yeswayo, nikwalweza kusa chinyingi hakachi ka yuma ya luchisa ni yuma yipema.

Hosea 5:1

Enu asasendote, ivwenu chino! Enu munyachi wa Izalele, panjikenu! Enu munyachi wa mwanangana, halakanenu! Upatwilo unatwala kuli yenu, mumu hinwapwa kambwila ku Mizepa, hinwapwa wanda wa kuta ku Tabore.

Alevi 26:15

nyi munulelesa yiyulo yami, hanji mbunge jenu mujivwila kupiha yize mungutuma mba kunuchi kulinga shimbi jami jeswe, alioze munutangula usendo wami,

Amose 5:7

Enu! Nwakwalumuna upatwilo wa kulita mu musase ni ululi nwakuumbila mu mavu.

Mika 1:1

Liji lia Yehova lize liejile kuli Mika wa ku Morese ha matangwa ja Yotame, ni Ahaze, ni Hezekia mianangana ja Yunda, lize amwene lia kutwala ku Samaria ni Yerusaleme.

Mika 3:1

Yingwamba ngwami, Ivwenu, enu akwa lutwe mu Yakomba, akwa kuyula mu munyachi wa Izalele! Te kuchanutambile kunyingika upatwilo wa kulita?

Shimbi 27:19

Kashingiwa mutu yoze mahengesa upatwilo wa chilambala, ni wa shiwa, ni wa twamishi. Atu eswe até ngwo, Amene.