Mika 3:7 - MUKANDA USANDU WA ZAMBI 1975

⁷ akwa munanyi makasauka; tahi mevwa sonyi; eswe makafuka ku mivumbo yo mumu kumbululo liakuhi lia kuli Zambi.

Mukanda Wa Zambi 1970

⁷ Waze akulongesa yuma yize muyiza ho, sonyi meevwa mumu ha kuhona cho; eswe kumaahetama mumu Zambi keshi kwakumbulula.

Mika 3:7 Iomraidhean Croise

Miaso (Masamu) 74:9

Kutwamwene yilayi yetu. Kukushi nawa profeta niumwe. Niumwe keshiko hakachi ketu yoze manyingika muze mwaka muusula.

Kutuhuka 9:11

E yimbanda kahashile kumana kumeso ja Mose mumu ha mahute, mumu mahute apwile hali e yimbanda, ni hali A-Engitu eswe.

Izaya 44:25

Mukwa kufuwisa yinyingi ya akwa mahuza, kakuhepwisa tahi, kakuhilwisa kunyima akwa mana, nikupwisa mana jo uhepuke;

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Ezekiel 24:17

Twako mikuma, alioze liji ka. Kanda ulila mbimbi hali mufu. Kashila hina lia ku mutwe, zala haku je; kanda ufuka mivumbo, chipwe kulia mbolo ya akwa kulila.

Ezekiel 24:22

Ni yenu munulinga chizechene ngwe yami hinalinga. Kunuchi kafuka mivumbo yenu, chipwe kulia mbolo ya akwa kulila.

Alevi 13:45

Mba mukwa mbumba mweswe mapwa ni we musongo, masonya mazalo jenyi, mafukula mutwe wenyi, mafuka muvumbo wenyi wa helu, makololoka ngwenyi, Luchisa! Luchisa!

Amose 8:11

Mwene Yehova kanambe ngwenyi, Matangwa kaneza muze mungukatuma kapunga mu chifuchi. Hi kapunga ka mbolo ko, hanji pwila ya meya, alioze ha kwivwa liji lia Yehova.

Mika 3:4

Mba kumakateta kuli Yehova alioze aye kechi kaakumbulula. Kumakaaswekela meso jenyi ha mwaka uze mumu yitanga yize halinga yipi.

Mika 7:16

Akwa mavungu mamona mba mavwila sonyi ndundo jo. Masa moko jo ku makanwa jo ni matwi jo makafwa.

Zakaria 13:4

Ha tangwa lize profeta mweswe mavwila sonyi usolwelo wenyi ha kuprofeteza. Kechi kazala uzalo wa wona akonge atu,

1 Samuel 14:37

Saulu yahula mana kuli Zambi ngwenyi, Ngupalumuke kunyima lia A-Filistea nyi? Muakunjika mu moko ja A-Izalele nyi? Alioze kamukumbulwile tangwa lize.

1 Samuel 28:15

Samuel yamba kuli Saulu ngwenyi, Kuchi te hiwangusakalisa nikunguvumbula? Saulu ngwenyi, Ngunapinji chikolo A-Filistea kanase jita ni yami. Zambi hanangumbu nyima; kangukumbulwile nawa, chipwe kuli aprofeta chipwe Ku yilota, kashika hinakusanyika ungulweze chize changutamba kulinga.

1 Samuel 28:6

Alioze muze Saulu yahula kuli Yehova, Yehova kamukumbulwile chipwe ku yilota chipwe ku Urimi chipwe kuli aprofeta.

1 Samuel 9:9

(Ku shakulu mu Izalele muze umwe wayile kuhula chimwe chuma kuli Zambi wambile ngwenyi, Tuye tuhule mwe mukwa kumona. Mumu yoze akumutongola musono ngwo, Profeta, kunyima amutongwele ngwo, Mukwa kumona.)