Mika 3:5 - MUKANDA USANDU WA ZAMBI 1975

⁵ Ha kutwala kuli aprofeta aze akupiangula atu jami, waze akwamba ngwo, Sambukila, muze maaha yuma ya kulia, alioze masa jita ni yoze kasele chuma mu makanwa jo, Yehova kanambe ngwenyi,

Mukanda Wa Zambi 1970

⁵ Akwa munanyi kaakwonga atu jami. Kaakulakenya uhwimino kuli waze akwafweta, alioze kaakululika jita ni waze keeshi kwafweta. Mwene Zambi kanambila akwa munanyi waze ngwenyi:

Mika 3:5 Iomraidhean Croise

Yishima 28:21

Kupwa ni katonde kuchapemene; chipwe kuvulumuna ha pinji ya kulia.

Izaya 3:12

Atu jami—ana amokomoko kakwapinjisa, ni mapwo kakwayula. Atu jami, tusongo twenu kananwongo, ni kulumbangenya majila jenu.

Jeremia 23:27

O kakuzanga kuvulamisa atu jami jina liami ni yilota yize akuliawila, chizechene ngwe tulamba two avulamine jina liami mumu hali Mbale.

Jeremia 23:32

Yehova kanambe ngwenyi, Kunalimika ni waze akuprofeteza yilota ya mahuza nikuyaula ni kupiangula atu jami ni mahuza jo, ni kulizelula cho, muze ami chaatumine chipwe kwaaha chiyulo, kashika kakwashile wano atu nichimwe. Chocho kanambe Yehova.

Jeremia 6:14

Hawuka chilonda cha atu jami hakehe wika, nikwamba ngwo, Sambukila, sambukila, muze sambukila yakuhi.

Jeremia 6:4

Lulika jita ya kulimika nenyi ngwo; Katukenu tumulambe tangwa ha muchima! Lamba lietu mumu tangwa linasendala, yizulie ya chingoloshi yinasuha.

Lungungu 2:14

Aprofeta je hakumwena usolwelo wa mahuza, wa kwonga. Kasolwele uhenge we akahilwise kuwaha che, alioze hakumwena yilayi ya mahuza ni ya kukupiangula.

Ezekiel 13:9

Kwoko liami mulikalimika ni aprofeta aze akumona usolwelo wa kulionga ni waze akutaha ni mahuza. Kechi katwama mu punga ya atu jami; kechi kaasoneka mu mukanda wa munyachi wa A-Izalele, chipwe kunjila mu chifuchi cha A-Izalele; mba munukanyingika yami nguli Mwene Yehova.

Hosea 4:5

Munutalinga ha mwalwa, ni profeta matalinga hamwe ni yenu ha ufuku. Mungwonwona noko.

Joele 3:9

Ambululenu chino hakachi ka mavungu ngwenu, Lulikenu jita! Sungenu malunga a ndundo! Malunga eswe a jita eze, akanduke ku kuno.

Mika 2:11

Nyi mutu mendangana nikwambulula fuji ni mahuza ngwenyi, Mungunulumbunwina yuma ya vinyu ni kunwa chisasu kachi mwenawo mapwa Chilumbununyi wa wano atu!

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Malaki 2:8

Alioze yenu hinwahambuluka mu jila; hinwatalingisa anji ni shimbi jenu; hinwalumbula usendo wa Levi. Chocho kanambe Yehova-wa-Tujita.

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

A-ROMA 16:18

Mumu waze keshi kulingila Mwene wetu Yesu Kristu, alioze kakulingila jimo lio ene; ni ku maliji a kulembejeka, ni kutangujola, kakwonga mbunge ja atu alelu.