Mika 3:2 - MUKANDA USANDU WA ZAMBI 1975

² Enu, chipema chanupihila; nwakuzanga chipi. Nwakuzununa kowa lia atu jami, ni musunya ha yifwaha yo.

Mukanda Wa Zambi 1970

² hindu nwakuvutwokela ululi, nwakuzanga ungulungulu. Nwakuzunwona atu jami ni mwono wo ni kusunwona misunya ya ku yifwaha yo.

Mika 3:2 Iomraidhean Croise

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

2 Sango Ja Mianangana 19:2

Mba mukwa kumona, Jehu mwana Hanani, yamupatwiza, yamba kuli mwanangana Yehosofate ngwenyi, Te Chakutamba kukwasa yingulungulu ni kuzanga waze akuvwila kole Yehova? Ha chikuma chino ufwatulo wa Yehova hiweza hali yena.

Miaso (Masamu) 15:4

Ku meso jenyi chizazali kapwa mulelu; alioze kakulemesa waze akuvwila woma Yehova. Chipwe halishinga ha kulilinga chipi mwene, keshi kwalumuka.

Miaso (Masamu) 53:4

Akwa kulinga uhenge keshi mana nyi? Waze akulia atu jami ngwe akulia mbolo, nikutambika kuli Zambi ka.

Yishima 28:4

Waze akwehuka shimbi kakuhalisa yingulungulu; alioze akwa kulinga shimbi kakulimika no.

Izaya 3:15

Kuchi chinalumbunuka chize nunafwenye atu jami, ni kucheka meso ja yiswale? Chocho kanambe Mwene Yehova-wa-Tujita.

Izaya 5:20

Lamba kuli waze akutongola chipi ngwo, chipema, ni chipema ngwo, Chipi; akusumbakenya milima ni pangu, ni pangu ni milima; akusumbakenya chisasu ni chiyema, ni chiyema ni chisasu.

Izaya 57:12

Mungwambulula ululi we ni yitanga ye alioze kuyichi kukukwasa.

Ezekiel 11:7

Kashika Mwene Yehova kanambe ngwenyi, Afu jenu a kushiha, waze hinwalumbika hakachi kacho, o kapwa ye yifwo, ni chihunda chino lwe lundeho; alioze yenu manuchizamo.

Ezekiel 22:27

Alemu jenyi muchima lienyi kapwa ngwe tungunga kanapapulula yifwo, nikumwanga manyinga, nikwonwona mwono wa atu akalifumbule ni yuma ya wiji.

Ezekiel 24:4

Senumo yihanda ya yifwo, yihanda yeswe yipema, shina lia kulu ni chilama; nuyizalise ni yifwaha yipema.

Ezekiel 34:3

Enu nwakulia maji, nwakulijika ni wona wo, nwakushiha e akwa maji, alioze kulisa kunwalishile mapanga.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 5:15

Vwilenu lwaji yuma yipi; zangenu yuma yipema kolesenu upatwilo wa ululi mu chota. Hanji Yehova Zambi-ya-Tujita mavwila vumbi masalila ja José.

Mika 2:8

Alioze yenu nwakukatukila atu jami ngwe akwa kole; nwakuzula hina lia ngungu kuli mukwa sambukila ni kuli waze kanapalika nikunufuliela, kanyongene jita.

Mika 7:2

Mukwa uwayilo hakuwa hashi, niumwe mukwa ululi wakuhi hakachi ka atu. Eswe kakujikinyina manyinga; mutu mweswe kakuzomba mukwo ni wanda.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

Luka 19:14

Alioze enya chifuchi chenyi amuvwilile kole, atumine tunganda kunyima yenyi, ngwo, Kutusolo yono kutuyula.

Yoano 18:40

O akololokele kashika cheka nawa ngwo, Hi yono ko, alioze Mbarapa. Achi Mbarapa wapwile muhuza.

Yoano 7:7

Akwa hashi kahashile kunuvwila kole; alioze yami kakunguvwila kole, mumu nakushindakenya hali ayo, ngwami, Yitanga yo ya ungulungulu.

A-ROMA 1:32

wano, nikunyingika upatwilo wa ululi wa Zambi, ngwe waze akulinga yuma ngwe yino kanatela kufwa, hindu hi kuyilinga wika ko, alioze kakuwaha hamwe ni waze akuyilinga.

A-ROMA 12:9

Zango likapwe kulishi ulembekese. Ivwenu lwaji ha ungulungulu; lalaminyenu ku yipema.

2 Timoteu 3:3

keshi zango lia atu, keshi kuhutuka, yilamikiji, keshi kusúla, asasu, keshi kufwila yipema,