Mika 3:11 - MUKANDA USANDU WA ZAMBI 1975

¹¹ Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Mukanda Wa Zambi 1970

¹¹ Miata ja limbo kaakuyula mumu ha mbongo ja mbenga, mahako kaakulongesa Shimbi ja Zambi hanga aafwete, akwa munanyi kaakulumbununa Usolwelo wo mumu ha ubite. Hindu ayo eswe kaakwamba ngwo: “Mwene Zambi kali hamwe ni yetu. Chibi nichimwe kuchichi kutuwana.”

Mika 3:11 Iomraidhean Croise

Yishima 17:23

Chingulungulu kakuchiza chindo mu tulo akahengese majila ja upatwilo.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Izaya 48:2

Mumu nwakulisa jina lia chihunda chisandu, nwakujikijila hali mwe Zambi ya Izalele, jina lienyi Yehova-wa-Tujita.

Izaya 5:23

Kakusambisa chingulungulu mumu ha kutambula chindo, mba kakumina upatwilo kuli mukwa kusamba.

Izaya 56:11

Tuwa kali ni solo lia kulia, keshi kukuta. Tufunga nawa keshi yinyingi; eswe hanatalikisa mutu mu jila yenyi, mutu mu jila yenyi, mutu mweswe ku kufumbuka chenyi, e eswe lume.

Jeremia 23:17

Kakwambamba kuli waze akulelesa liji lia Yehova ngwo, Mukawaha, ni kuli waze akukaula mbunge jo ene ni pami kakwamba ngwo, Nichimwe chuma chipi kuchichi kukuwana.

Jeremia 26:7

Asasendote ni aprofeta ni atu eswe evwile Jeremia nikuhanjika maliji ano mu zuwo lia Yehova.

Jeremia 5:12

Hanahanjikila mahuza Yehova ngwo, Kechi kulinga nichimwe; chipi nichimwe kuchichi kutuwana; chipwe katana, chipwe kapunga, kutuchi kuyimona.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Jeremia 8:10

Kashika munguhana mapwo jo kuli akwo, ni minda yo kuli akwa kukumba, mumu chize kuli mukepe wahiana ndo kuli munene Wahiana, eswe kali ni chipululu cha kufumbuka cha uhenge. Chize kuli profeta ndo kuli sasendote eswe kakulinga ni mahuza.

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Ezekiel 22:27

Alemu jenyi muchima lienyi kapwa ngwe tungunga kanapapulula yifwo, nikumwanga manyinga, nikwonwona mwono wa atu akalifumbule ni yuma ya wiji.

Ezekiel 34:2

Mwana mutu, profeteza kulimika ni tufunga twa Izalele. Profeteza wambe kuli ayo, kuli tufunga, ngwe, Mwene Yehova kanambe ngwenyi, Enu! Tufunga twa A-Izalele, enu nwakulilisa yenwene! Kuchatambile tufunga kulisa mapanga?

Hosea 4:18

Kunwa cho chipi; kakulikunjika ku ukoi; kakuzanga sonyi hi uhenya ko.

Hosea 4:8

Kakulilisa ni shili ya atu jami, kakwivwa kuzo ha uhenge wo.

Amose 5:14

Fupenu chipema hi chipi ko hanga nukatwame ni mwono. Chocho Yehova Zambi-ya-Tujita mapwa hamwe ni yenu chizechene ngwe hinwamba.

Amose 9:10

Yivulumunyi eswe a atu jami makafwa ni katana waze akwamba ngwo, Chipi kuchichi kutuwana chipwe kutakana ni yetu.

Mika 3:5

Ha kutwala kuli aprofeta aze akupiangula atu jami, waze akwamba ngwo, Sambukila, muze maaha yuma ya kulia, alioze masa jita ni yoze kasele chuma mu makanwa jo, Yehova kanambe ngwenyi,

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

Zefania 3:4

Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.

Malaki 1:10

Nyi kachi kwali umwe yoze májila mapito, nulitwamine kuwika kahia mokomoko ha chilumbilo chami! Yehova-wa-Tujita kanambe ngwenyi, Chevwile kuwaha ni yenu; chichi kutambula mulambu ku moko-jenu.

Malaki 2:9

Kashika ngunanupwisa nwalela, nwasauka kumeso ja atu eswe, mumu kunwafungile ndako jami, alioze hinwalinga katonde ni shimbi.

Kwalula 16:15

Mose yatenuka chikolo, yamba kuli Yehova ngwenyi, Kanda ulemesa mulambu wo. Chatambwile kuli ayo chipwe chimbulu umuwika, chipwe kulinga chipi kuli umwe wa ayo, chamulingile chipi.

Kwalula 22:7

Ni makulwana a Moape ni makulwana a Mindiane yakatuka nikumbata mu moko jo mivi ya kutaha; yaheta kuli Mbalau, yamwambulwila maliji a Mbalake.

Mateu 3:9

kanda nushinginyeka kwamba muli yenwene ngwenu, Apalahama tuli nenyi kaka: mumu ngunambe kuli yenu ngwami, Chipwe ku mawe ano Zambi mahasa kusangula ana kuli Apalahama.

1 Timoteu 3:3

hi mukwa chimbangwinya ku vinyu ko; hi mukwa kumbufula, ko; alioze chimbovu, hi mukwa ndombo ko; hi mukwa kufwila mbongo ko;

Titu 1:11

Chatamba kupakika makanwa jo; se kakulimbwisa mazuwo a muwundu, nikulongesa ha upite wa sonyi yuma yize kuchaatambile kulongesa.

1 Petulu 5:2

ngwami, Fungenu mbunga ya mapanga a Zambi, yize yili hakachi kenu, pwenu tulayi, hi ha kuzangisa ko aiioze mumu nunazange: chipwe hi mukufumbuka ko ku upite wa sonyi, aiioze mumu ha zango.

Yuda 1:11

Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.

1 Samuel 8:3

Anenyi kendele mu ndako ja tato. Apiasukile nikukaula upite. Atambwile chindo nikuhongesa upatwilo.