Mika 3:1 - MUKANDA USANDU WA ZAMBI 1975

¹ Yingwamba ngwami, Ivwenu, enu akwa lutwe mu Yakomba, akwa kuyula mu munyachi wa Izalele! Te kuchanutambile kunyingika upatwilo wa kulita?

Mukanda Wa Zambi 1970

¹ Ivwenu yenu miata ja Aisraele! Chanutamba kuyula ni ululi,

Mika 3:1 Iomraidhean Croise

Nehemia 13:17

Nasopele ni alemu ja A-Yunda ngwami, Chuma chino chipi nunalingi kuchi? Nunajilula tangwa lia Sambata.

Miaso (Masamu) 14:4

Te kanyingikine, wano eswe akulinga uhenge, nyi? Kakulia atu jami ngwe mbolo. Keshi kusanyika ha jina lia Yehova.

Izaya 1:10

Ivwenu liji lia Yehova enu akwa kuyula Sondome! Panjikenu longeso lia Zambi yetu, enu atu a Ngomora!

Izaya 10:2

akachinde akwa kuhona kanda awana upatwilo, akeye chize chatela kuli yiswale ja atu jami. Ni twamishi kapwa upite wo wa kupunda, akatenge ana-ashiwa ngwe kulia cho.

Ezekiel 22:6

Alemu ja A-Izalele muli yena, mweswe hakachi ko hasa mbunge yenyi, nikulita ni tachi jenyi, kumwanga manyinga.

Ezekiel 34:2

Mwana mutu, profeteza kulimika ni tufunga twa Izalele. Profeteza wambe kuli ayo, kuli tufunga, ngwe, Mwene Yehova kanambe ngwenyi, Enu! Tufunga twa A-Izalele, enu nwakulilisa yenwene! Kuchatambile tufunga kulisa mapanga?

Ezekiel 34:3

Enu nwakulia maji, nwakulijika ni wona wo, nwakushiha e akwa maji, alioze kulisa kunwalishile mapanga.

Ezekiel 9:9

Aye yamba kuli yami ngwenyi, Uhie wa munyachi wa Izalele ni wa Yunda unene Wahiana. Chifuchi chazala ni manyinga ni chihunda chazala ni uhenge, mumu kakwamba ngwo, Yehova hanakatuka mu chifuchi; Yehova kamweneko.

Hosea 5:1

Enu asasendote, ivwenu chino! Enu munyachi wa Izalele, panjikenu! Enu munyachi wa mwanangana, halakanenu! Upatwilo unatwala kuli yenu, mumu hinwapwa kambwila ku Mizepa, hinwapwa wanda wa kuta ku Tabore.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Mika 2:13

Mukwa kulokola kumakaatetekela; o makalokola, makanjila ku chikolo nikutuhukilako. Mwanangana wo makaatetekela; Yehova kulutwe lio.

1 Korintu 6:5

Ngunahanjika chino kunukolesa sonyi. Kumanyi, mukwa mana wakuhi hakachi kenu, nyi? Chipwe umuwika, yoze mahasa kupatula hakachi ka mandumbu jenyi, nyi?

Shimbi 16:18

Ni ngaji ni yilolo nulisakwilo mu yihunda yenu yeswe, Yehova Zambi yenu ananweheyo, nikulita ni minyachi yenu, o akayule atu ni upatwilo wa ululi.