Mika 2:9 - MUKANDA USANDU WA ZAMBI 1975

⁹ Mapwo ja atu jami nwakwahuma ku mazuwo jo apema. Nwakuchiza uhenya wami kuli ana jo akepe ndo ku miaka yeswe.

Mukanda Wa Zambi 1970

⁹ Nwakuhuma mapwo ja atu jami akatuke ku mahio kuze heejilila; nwakukinda ana jo kutambula yiwape yami.

Mika 2:9 Iomraidhean Croise

Miaso (Masamu) 72:19

Jina lienyi lilemu likafumane ku miaka ya mutolo. Hashi heswe hakazale tò ni ulemu wenyi. Amene ni Amene.

Jeremia 10:20

Mbalaka yami hanayenyeka ni mihipu yami yeswe hiyinapatuka. Ana jami eswe hanayi, keshiko. Kukushi yoze manguzazulwila mbalaka yami nawa, hanji kuzezeleka kurtina jami.

Ezekiel 39:21

Mba mungukasa uhenya wami hakachi ka mavungu, ni mavungu eswe makamona upatwilo wami uze hinalinga, ni kwoko liami lize hinasa hali ayo.

Joele 3:6

ni ana ja Yunda ni ana ja Yerusaleme hinwaalanjisa kuli A-Ngresia hanga nukaatwale kusuku ni chifuchi cho;

Amose 2:7

Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Habakuke 2:14

Mumu hashi muhazala ni chinyingi cha uhenya wa Yehova chizechene ngwe meya akufuka kalunga-lwiji.

Zakaria 2:5

Mumu Yehova kanambe ngwenyi, Yami mungupwa chipanga chayo cha kahia ka kujingilika; mungupwa nawa we uhenya muchima liayo.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Marku 12:40

Wano kakuumbula mazuwo ja twamishi a mapwo, ni ha ulembekese kakulemba shimbu linene: wano kumakatambula upatwilo Wahiana.

Luka 20:47

waze akuwumbula mazuwo ja twamishi ja mapwo, ni ha ulembekese kakulemba yipinji yisuku: wano kumakatambula uhiso wahiana.

2 Korintu 3:18

Alioze yetu eswe, ni meso a kufukuka nikunwina uhenya wa Mwene, ngwe katalilo wa kupeyima, kakutwalumuna mu kulifwa chimuwika, chize ku uhenya ndo ku uhenya, chizechene ngwe cha kuli Mwene Spiritu.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.

1 Samuel 26:19

Kashika mwene wami mwanangana panjikenu ku maliji a yami kavumbi kenu. Nyi Yehova hananuvundula kulimika ni yami atambule mulambu. Alioze nyi malunga hachilinga akashingiwe kumeso ja Yehova mumu hananguhumu musono hanga ngukahone chihanda cha chihinga cha Yehova ngwo, Yako ukavumbike mazambi eka.