Mika 2:8 - MUKANDA USANDU WA ZAMBI 1975

⁸ Alioze yenu nwakukatukila atu jami ngwe akwa kole; nwakuzula hina lia ngungu kuli mukwa sambukila ni kuli waze kanapalika nikunufuliela, kanyongene jita.

Mukanda Wa Zambi 1970

⁸ Mwene Zambi yakumbulula ngwenyi: “kwakwasa jita ni atu jami ngwe kaali akwa kole. Atu kaanakatuka ku jita ni kuhiluka ku mahiahia jo nikunyonga ngwo, kaali mu uhwimino. Alioze kwenako nunaaswamina hanga nwiye mahina waze anazala.

Mika 2:8 Iomraidhean Croise

2 Samuel 20:19

Yami nguli wa kuli akwa sambukila, amwenemwene mu Izalele. Alioze ena unafupu kwonwona chihunda hamwe ni anaye mu Izalele. Kuchi te mupupa chihinga cha Yehova?

Miaso (Masamu) 55:20

Hazoza moko jenyi kulimika ni waze atwamine nenyi ni sambukila. Hajilula usendo wenyi.

Izaya 9:21

Manase kanali Eframe, ni Eframe kanali Manase, mba hanalikate kulimika ni Yunda. Chipwe chocho utenu wenyi kuwakondolokele; kwoko lienyi hindu kanalizozo.

Jeremia 12:8

Chihinga chami hichalumuka kuli yami ngwe ndumba mu usaki, hahanjika kulimika ni yami; kashika namuvwila kole.

Mika 3:2

Enu, chipema chanupihila; nwakuzanga chipi. Nwakuzununa kowa lia atu jami, ni musunya ha yifwaha yo.

Mika 3:3

Enu nwakulia musunya wa atu jami, ni kwazununa makowa, ni kumakwona yifwaha yo, nikwatetateta ngwe yifwo mu ndeho; ngwe musunya mu lundeho.

Mika 7:2

Mukwa uwayilo hakuwa hashi, niumwe mukwa ululi wakuhi hakachi ka atu. Eswe kakujikinyina manyinga; mutu mweswe kakuzomba mukwo ni wanda.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.