Mika 2:7 - MUKANDA USANDU WA ZAMBI 1975

⁷ Enu munyachi wa Yakomba, te chinawaha kuhanjika chocho? Te Spiritu ya Yehova kakulipupula? Yitanga yino te niyenyi? Te maliji jami kalingile chipema kuli yoze menda ni kululama?

Mukanda Wa Zambi 1970

⁷ Kuma yena Unanyongo ngwe, Zambi hatushinga, nyi? Keshi kulihumikiza ni yetu, nyi? Kuma malinga yuma ngwe yino, nyi? Keshi kuhanjika ni zango kuli waze akulinga yibema, nyi?”

Mika 2:7 Iomraidhean Croise

Miaso (Masamu) 119:65

Yehova, hiunalingi kanawa ni yami kavumbi ke nikulita ni liji lie.

Miaso (Masamu) 119:68

Yena uli mupema; wakulinga chipema. Ungulongese yiyulo ye.

Miaso (Masamu) 15:2

Yoze wakwenda keshi chitela; yoze wakulinga ululi: yoze wakuhanjika umwenemwene ku mbunge yenyi.

Miaso (Masamu) 18:26

Kuli akwa kulinanga kumulisolola uli mukwa kulinanga. Kuli akwa kupiya kumulisolola uli mukwa kulitachika.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Yishima 10:29

Jila ya Yehova yapwa ngwe pembo kuli akwa ululi; alioze yapwa kwonwona kuli akwa kulinga uhenge.

Yishima 10:9

Yoze wakwenda ni kutuwika cha mbunge kakujikiza, alioze mukwa kuhengesa majila jenyi kumakamunyingika.

Yishima 14:2

Yoze wakwenda ni ululi wenyi kali ni woma wa Yehova; alioze mukwa kupiya mu ndako jenyi kakumulelesa.

Yishima 2:7

Iye kakulumbamisa mana angunu hali mukwa ululi; kapwa lukepwe kuli waze akwenda ni kutuwika cha mbunge,

Yishima 28:18

Mweswe menda nikululama mamupulula; alioze mweswe mapiya mu ndako jenyi malimbuka susumuku.

Izaya 50:2

Muze nejile kuchi te kukwapwile niumwe? Muze nasanyikine kuchi te mukwa kutá wakuhi? Te kwoko liami liahiha, kashika kuliahashile kukula? Tachi chishi najo ja kupulula? Nyongenu, ha liji liami lia kukanda nakuumisa kalunga-lwiji, nakupwisa njiji ngwe puya. Yishi jamo kanakupuka ha kuhona meya, kakufwa ni pwila.

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Jeremia 15:16

Yawana maliji je, mba naalia, ni maliji je alumukine kuli yami uwahililo ni chiseke cha mbunge yami, mumu hanangutuku jina lia yena, Yehova Zambi-ya-Tujita.

Jeremia 2:4

Enu munyachi wa Yakomba, ni yenu majimo eswe a munyachi wa Izalele, ivwenu liji lia Yehova.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Mika 3:9

Panjikenu, enu akwa lutwe mu munyachi wa Yakomba, ni akwa kuyula mu munyachi wa Izalele. Enu upatwilo wa kulita wanupihila, nwakuhengesa ululi weswe.

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Kwalula 11:23

Yehova yamba kuli Mose ngwenyi, Te kwoko lia Yehova hiliahiha nyi? Haliapwila munyingika shina mungumanununa liji liami, nyi shina ka.

Mateu 3:8

Imenu kashika mihuko ya kutela kulikonyeka:

Yoano 8:39

Amukumbulwile ngwo, Kulwetu iye Apalahama. Yesu yamba kuli ayo ngwenyi, Kachi nwapwa ana a Apalahama, kachi nwalinga yitanga ya Apalahama.

A-ROMA 7:13

Mba ye yipema yalumukine kufwa kuli yami, nyi? Ka, pundu. Alioze shili, hanga yikasoloke shili pundu, yalingile kufwa muli yami, ku yipema; hanga shili yikapwe yipi yahiana mumu ha shimbi.

2 Korintu 6:12

Ukehe wakuhi muli yetu, niumwe, we ukehe uli mu mbunge jenu.

2 Timoteu 3:5

Kusoloka cha uwayilo kali nacho, alioze kakulikata tachi jawo: kuli wano nawa kondoloka.