Mika 2:6 - MUKANDA USANDU WA ZAMBI 1975

⁶ Kakwamba ngwo, Kanda nwambulula! Kuchatambile kwambulula yino yuma; mumu kusauka kuchichi katuwana.

Mukanda Wa Zambi 1970

⁶ Atu kaakungwamba ngwo: “Kanda utulongesa. Kanda ulongesa hakutwala ku yize yeswe. Zambi kechi kutuvwisa sonyi.

Mika 2:6 Iomraidhean Croise

Miaso (Masamu) 74:9

Kutwamwene yilayi yetu. Kukushi nawa profeta niumwe. Niumwe keshiko hakachi ketu yoze manyingika muze mwaka muusula.

Izaya 29:10

Mumu Yehova hanazukula hali yenu Spiritu ya kuya tulo anji. Hanajiki meso jenu, ngwami, aprofeta, hanafuku mitwe yenu, ngwami, akwa kumona.

Izaya 30:10

Kuli akwa kumona kakwamba ngwo, Kanda numona! Ni kuli aprofeta kakwamba ngwo, Kanda nuprofeteza kuli yetu chize Chinapeme. Hanjikenu kuli yetu yuma ya kupepieka, profetezenu yuma ya kulitambila.

Ezekiel 20:46

Mwana mutu, talikisa meso je ku Sule ukashinjile maliji ku Sule, ukaprofeteze kulimika ni chifuchi cha musenge wa Negeve.

Ezekiel 21:2

Mwana mutu talikisa meso je ku Yerusaleme ukashinjile liji kulimika ni mazuwo asandu, ukaprofeteze kulimika ni chifuchi cha Izalele,

Ezekiel 3:26

mungukwachisa limi lie mu kanwa lie ukapwe kamama kuchi kuhasa kwakanjisa; mumu o kapwa munyachi wa yihulia.

Amose 2:12

Alioze nwanwishine Anazireu vinyu; nwambile aprofeta ngwenu, Kanda nuprofeteza.

Amose 7:13

Alioze kanda ukaprofetezela ku Mbetele nawa mumu kwapwa kuma kusandu kwa mwanangana kanda tembele ya wanangana wenyi.

Amose 7:16

Kashika ivwa liji lia Yehova. Ena unambe ngwe, Kanda uprofeteza kulimika ni Izalele, kanda ushindakenya kulimika ni munyachi wa Izake.

Mika 3:6

Kashika kumukukapwa kuli yenu ufuku kuushi usolwelo; milima kuli yenu, ni kutaha chakuhi. Tangwa mulikanjila hali aprofeta; tangwa lize mulikapwa lilá hali ayo;

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Yilinga 4:17

alioze hanga kuchichi kafumana nawa hakachi ka atu, twaomisenu chikolo, ngwetu, Kanda ahanjika nawa kuli mutu niumwe mu jina lino.

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

Yilinga 5:40

O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.