Mika 2:2 - MUKANDA USANDU WA ZAMBI 1975

² Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Mukanda Wa Zambi 1970

² Muze akwivwa lwahu wa minda, kaakuyifutukila. Muze akwivwa lwahu wa mazuwo, kaakwatambula. Chibwe akwa jiko ni yuma ya mutu kuyishi kubwa kanawa.

Mika 2:2 Iomraidhean Croise

1 Yitanga Ya Mianangana 21:1

Kulutwe lia yino yuma Ka-Yezerele Nabote te kali ni munda wa uva mu Yezerele hakamwihi ni zuwo lia Ahabe mwanangana wa Samaria.

1 MIANANGANA 9:26

Pundu zau ngunakamona manyinga a Nabote, ni manyinga ja ana jenyi, Yehova kanachambe, kashika mungukuhilwisacho muno mu munda uno. Chocho kanambe Yehova. Kashika umwande umumbile mu munda nikulita ni liji lia Yehova.

Jobe 31:38

Nyi minda yami hiyateta ya kulimika ni yami, hanji matumbo hatela hamuwika;

Kutuhuka 20:17

Kanda ukavwila chipululu zuwo lia mwenyembo we. Kanda ukavwila chipululu pwo lia mwenyembo we, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mwenyembo we.

Izaya 3:14

Yehova kanaputuka kusopa ni makulwana ni alemu ja atu jenyi ngwenyi, Yenu hinwalia we munda wa uva, upite wa kupupa kuli yiswale uli mu mazuwo jenu.

Izaya 5:8

Lamba kuli waze akuwezela zuwo ku zuwo, akuwezela munda ku munda ndo chihela nawa chakuhi, mba makutwamisa ukawe hakachi ka chifuchi.

Jeremia 22:17

Alioze yena uli ni meso ni mbunge ya kunyonga kufumbuka cha uhenge, ni kumwanga manyinga keshi chitela ni kulinga upinjiso ni upupilo.

Ezekiel 18:12

kakupinjisa chiswale ni mukwa kuhona, kakwiya, keshi kuhilwisa tombo, kakuhetwila meso jenyi ku mahamba, kakulinga yuma ya waji,

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Ezekiel 22:13

Kashika ni yami mwene ngunalamba koshi ni moko mumu ha kufumbuka chenu cha uhenge chize hinwalinga, ni ha manyinga aze hanamwangana hakachi kenu.

Ezekiel 33:26

Nwakukwata katana; nwakulinga yuma ya lwaji, mba mweswe hakachi kenu kukulumbula pwo lia mukwo. Munukazuka chifuchi chocho?

Ezekiel 45:9

Mwene Yehova kanambe ngwenyi, Kunahu, enu alemu ja Izalele! Mbilenu upupilo ni upinjiso, nukapatule nikulita ni ululi. Mwene Yehova kanambe ngwenyi, Litwaminenu kufwetesa atu jami chocho.

Ezekiel 46:18

Mulemu kechi katambula chihinga cha umwe mutu ni kumuchiza ku upite wenyi. Makahingisa ana jenyi a malunga ku upite wenyi mwene, chocho niumwe wa atu jami mamutambula upite wenyi.

Ezekiel 8:17

Yamba kuli yami ngwenyi, Mwana mutu, hiwamona chino? Kumanyi chakeha naye kuli akwa munyachi wa Yunda kulinga yuma ya lwaji yize analingi kuno, akawezele nawa kuzalisa chifuchi ni upupilo, ni kungwihia nawa chikwo? Mba kanase mutondo ku mazulu jo!

Amose 2:7

Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 8:4

Ivwenu chino, yenu nwakuliata akwa kuhona; nwakusulisa yiswale mu chifuchi ngwenu,

Mika 3:9

Panjikenu, enu akwa lutwe mu munyachi wa Yakomba, ni akwa kuyula mu munyachi wa Izalele. Enu upatwilo wa kulita wanupihila, nwakuhengesa ululi weswe.

Mika 6:12

Pichi jenu kanazala ni upupilo; waze atungamo kakuhanjika mahuza malimi ja mu makanwa jo a kwonga.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

1 Timoteu 6:10

Mumu chipululu cha mbongo chikota cha yipi yeswe: amwe nikujifupa, hanapianguka ku Ufulielo, hanalituwu ni yikola yinji.