Mika 2:13 - MUKANDA USANDU WA ZAMBI 1975

¹³ Mukwa kulokola kumakaatetekela; o makalokola, makanjila ku chikolo nikutuhukilako. Mwanangana wo makaatetekela; Yehova kulutwe lio.

Mukanda Wa Zambi 1970

¹³ Zambi makazulwila atu jila ni kwatuhwisa mu undungo mu chifuchi cha mbala. Kumaakatuhuka ku yajilo ya limbo nikutusuka. Mwene Zambi, mwanangana wo, iye mwene makaasongwela.

Mika 2:13 Iomraidhean Croise

Kutuhuka 14:19

Mungelo wa Zambi yoze watetekelele chendo cha A-Izalele yatutuluka, yaya kunyima lio mba lie nguji lia lelwa yilikatuka kulutwe lio, yilimana kunyima lio.

Izaya 42:7

ni kulawisa meso ja tupuputa; kuchiza funge ku zuwo lia ususu, ni waze anatwama funge mu milima kwachizamo.

Izaya 51:12

Yami, yami mwene nakunuwumbijeka; kuchi nwapwa nukavwile woma mutu mukwa kufwa, hanji umwe mwana mutu hamupwisa ngwe mwambu?

Izaya 52:12

Mumu kunuchi kakatuka kapupushi; kunuchi kakatuka ngwe nunachina, mumu Yehova kumakanutetekela ni Zambi ya Izalele manufunga kunyima.

Izaya 55:4

Namupwishile chela ku mavungu; kasongo ni kapitau ka minyachi.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Hosea 13:14

Mungwakula ku tachi ja Shiole? Mungwahula ku kufwa? Ena kufwa, yilungo ye yilihiyo? Ena Shiole, kwonwona che Chilihicho? Keke hiyanguswamina ku meso jami.

Hosea 2:2

Lembelela kuli noko. Aye hi pwo liami ko, ami hi nguli lunga lienyi ko, kashika lembelela kuli iye; akambile ukoi wenyi kumeso jenyi, akachize utanji wenyi mu kondo.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Mika 2:12

Enu A-Yakomba, pundu mungukanukunga eswe; mungukakunga masalila ja Izalele. Mungwasela hamuwika ngwe mapanga mu limba; ngwe mbunga ya mapanga ku ulilo wo; mbunga ya malunga ni chimbangwinya.

Mika 3:1

Yingwamba ngwami, Ivwenu, enu akwa lutwe mu Yakomba, akwa kuyula mu munyachi wa Izalele! Te kuchanutambile kunyingika upatwilo wa kulita?

Mika 4:7

Yilema mungukaapwisa masalila, ni waze aambilile mungukaapwisa vungu lia tachi mba Yehova makapwa mwanangana wo mu mulundu wa Zaione chize ku mwakono ndo ku miaka yeswe.

Zakaria 10:12

Mungukaatakamisa muli Yehova mba kumakenda mu jina lienyi. Chocho kanambe Yehova.

Hebreu 6:20

muze Yesu, iye tetekeli, hanatunjilila, se iye kapwa sasendote mukwa lutwe ndo ku miaka ya mutolo nikulita ni ngango ya Melekizeteke.

Yoshua 3:6

Yoshua yamba kuli asasendote ngwenyi, Andenu mushete wa usendo nukatetekele e atu. O yanda mushete wa usendo yatetekela e atu.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 7:17

Mumu mwe Mwana-panga yoze uli mukachi ka ngunja kumapwa kafunga ko, maasongwela ku mafuji ja meya a mwono: Zambi makusumuna masoji eswe ku meso jo.