Mika 1:8 - MUKANDA USANDU WA ZAMBI 1975

⁸ Ha chuma chino mungulinyenga ni kulila mbimbi; mungwenda wa kufukula, ni uselesele; mungulila lungungu ngwe mikuza; nikulishimwoka ngwe yikungulu.

Mukanda Wa Zambi 1970

⁸ Hohene Mika yamba ngwenyi: “Mungunenganyana ni kulila. Ha kusolola chinyengo chami, munguzula mahina ni sapato, mungwenda uselesele. Mungubwoza ngwe mukuza, mungushikwoka ngwe kajila otrishe.

Mika 1:8 Iomraidhean Croise

1 MIANANGANA 18:13

Ha mwaka kumi ni wamuchiwana wa mwanangana Hezekia, Senakeribe mwanangana wa Asuria yeza kulimika ni yihunda yeswe ya yipanga mu Yunda; yayitambula.

Estere 4:1

Ha kunyingika yino yeswe halinga, Mordekai yasonya mazalo jenyi, yazala chikeleyi ni uto, yaya hakachi ka chihunda nikulila ni muteto unene usasu.

Jobe 30:29

Kunapwa usoko wa mikuza; nguli sepa lia yikungulu.

Miaso (Masamu) 102:6

Nguli ngwe chitwa-njimbu wa mu puya. Hinalumuka ngwe chikungulu wa mu yikulu.

Izaya 13:21

Alioze ngongo mautamakc, ni mazuwo jako mazala ni tushitu a kupozonoka. Yikungulu matwamako, ni mahamba a mu yambu masambako.

Izaya 13:22

Yimbungu makateta mu tuposhi twako; mikuza makapwoza mu palasiu jako jipema. Tangwa lia yino yuma hiliakundama, matangwa jayo kechi kasuha.

Izaya 16:9

Kashika ngunalili ni kulila cha Yazere ha mukunda wa mutondo wa uva wa Sibima. Enu Heshebone ni Eleale ngunanuhinjila masoji jami, mumu kukalumioka cha jita hichakwata ha mihuko yenu ni kucha chenu.

Izaya 21:3

Kashika miongo yami yazala ni kupinda, misongo yangukwata, misongo ya pwo nikufumbajala. Ngunafumbama, kashika Chahashile kwivwa. Ngunalifwichi, kashika Chahashile kumona.

Izaya 22:4

Kashika nambile ngwami, Tewulukenu kuli yami, hanga ngulile masoji asasu. Kanda nuhondangana nikunguwumbijeka mumu ha kunonga cha mwana wa pwo atu jami.

Izaya 32:11

Chikimenu, enu mapwo nunahwimi, pwenu ni lwaji, enu kunushi woma; Zulenu, lifukulenu nukazale chikeleyi mu zalilo jenu.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Jeremia 9:19

Mumu liji lia kulila mbimbi tunalivu mu Zaione ngwo, Twalumbuka Chichize! Hanatukolesa sonyi liakulu mumu hitwahichika chifuchi, hanunguna mazuwo jetu.

Ezekiel 32:18

Mwana mutu, lila mbimbi ha mbunga ya A-Engitu, ukaatume, ni iye ni ana a mapwo a ku mavungu a uhenya, muma mushi lia munomuze, kuli waze akuya ku jondo, ngwe,

Mika 2:4

Ha tangwa lize makanwimbila mwaso wa kuchoka makalila mbimbi ni liji lisasu. Makamba ngwo, Hanatulumbula liakulu. Hanalumuna chihinga cha atu jami. Kanachichiza kuli yami Chichize! Kanapangila minda yetu hakachi ka akwa kutukwata.

1 Samuel 19:24

Iye nawa yazula mazalo jenyi, iye nawa yaprofeteza kumeso ja Samuel. Yapomba uselesele tangwa lize lieswe ni ufuku uze weswe. Kashika kakwamba ngwo, Saulu nawa hakachi ka aprofeta ali, nyi?