Mika 1:7 - MUKANDA USANDU WA ZAMBI 1975

⁷ Tuponya twenyi maapalwola yipalupalu; fweto yeswe ya ukoi wenyi mayocha; mahamba jenyi eswe maenyeka. Mumu yakatukile ku fweto ya ukoi, kashika ku fweto ya ukoi muyikaya.

Mukanda Wa Zambi 1970

⁷ Mahamba jamo a ndando yinji maakaabalwola yipinji yipinji, yuma yenyi yeswe yize ahanyine kuli yitanji a mu zuwo lio liakuwayila maayocha kahia, tuponya twenyi eswe kumaalumbika hashi. Samaria hanayuku yuma yino mu kuwayila chenyi chakwokesa mbuto jenyi ni ana jenyi. Haliabwila akwa kole jenyi kumaaya nayo ni kuyikombelela kweswako.”

Mika 1:7 Iomraidhean Croise

2 Sango Ja Mianangana 31:1

Mba muze hamanuna yino yeswe, A-Izalele waze eswe apwileko yaya ku yihunda ya Yunda, yapalwola tuponya, yatetateta Ashera, yapuzula manangamo, ni yilumbilo, mweswe mu Yunda ni Mbenjamine, ni mu Eframe nawa ni Manase, ndo hayimanununa yeswe. Henaho A-Izalele eswe yahiluka mutu mweswe ku chihinga chenyi, eswe ku yihunda yo.

Izaya 2:18

Ni mahamba eswe kumakahwa wupu!

Izaya 23:17

Ha kuhwa makumi shimbiali a miaka Yehova mahilukila Teru nawa, mba Teru malinga nawa milimo yenyi ya fweto akapwe chikoi kuli akwa mawanangana eswe a munomuze he ha mavu.

Izaya 27:9

Kashika ni chuma chino makukila uhie wa Yakomba, ni chino muchipwa mihuko yingunu ha kuchiza shili yenyi; muze mapwisa mawe eswe a yilumbilo ngwe mawe a wunga a kufwenyona tuyifwenyu. Niumwe Ashera, nichimwe chilumbilo cha insensu muchikamana.

Ezekiel 6:6

Kweswako nwatwama, yihunda yenu muyikapwa ya kwenyeka, ni manangamo jenu makaapuzula. Chocho yilumbilo yenu muyikapwa ya kwenyeka, ya kupuzula; mahamba jenu makapwa a kumakuna ni a kwonwona; yilumbilo yenu ya insensu makayishiha, ni yitanga yenu makayijimuna.

Hosea 2:12

Mungukenyeka mitondo yenyi ya uva ni ya makuyu, yize ayambile ngwenyi, Fweto yami yenayo akwa zango liami anguhele. Mungukayipwisa usaki mba tushitu a mu yambu makayilia.

Hosea 2:14

Kashika mungukamulembejeka, ni kumukoka ku puya, ni kuhanjika kuli iye ni vumbi.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 8:5

Hinambila mwana-ngombe wa yena Samaria. Utenu wami unaalekwokela. Mwaka uka meza kupema?

Hosea 8:6

Mu Izalele umwe chilangaji wamulingile alioze iye hi Zambi ko. Makafwenyona mwana-ngombe wa Samaria.

Joele 3:3

Hanatela chela atu jami. Hanalande chikoi ni mwanalunga; hanalande vinyu ni mwana-pwo hanga akanwe.

Alevi 26:30

Mungwonwona manangamo jenu. Mungupuzula yilumbilo yenu ya insensu. Mungulumbika mijimba ya afu jenu ha mijimba ya tuponya twenu afu, mba mbunge yami muyinuvwila kole.

Shimbi 23:18

Fweto ya chikoi, chipwe ndando ya kawa kanda nuyinjisa mu zuwo lia Yehova Zambi yenu ha chilakenyo nichimwe, mumu te yeswe ni yiali kuyapwa yizelwokeso kuli Yehova Zambi yenu.

Shimbi 9:21

Mulonga wenu, mwana-ngombe nwamuzuzulwile, yingumwanda, yingumwocha ni kahia, yingumufwenyona, yingumucheka fufuta yikepekepe ndo yapwile ngwe wungawunga. Yingumbila fufuta yenyi mu chitwetwe chinakatuka ku mulundu.

Usolwelo 18:3

Mumu mavungu eswe hananu ku vinyu ya ufwatulo wa utanji wenyi, ni mianangana ja hashi hanalingi nenyi utanji, ni akwa kutalikila hanalipichisa ku tachi ja kuhungumuka chenyi ni yipi.

Usolwelo 18:9

Ni mianangana a hashi waze hanalingi utanji, waze hanahungumuka ni yipi hamwe nenyi, kumakalinyenga, makalila mbimbi hali iye, muze mamona mwishi wa kuwema chenyi.

1 Samuel 5:4

Muze hikwacha nawa yalimeneka, kumanyi Ndagone hanaholoka ha meso jenyi hashi kulutwe lia mushete wa Yehova, ni mutwe wa Ndagone ni moko jenyi aali hanamakuka te kanapombo he ha chikukulu cha pito. Chivuvu chenyi wika chasala.