Mika 1:5 - MUKANDA USANDU WA ZAMBI 1975

⁵ Chino cheswe mumu ha Utanguko wa Yakomba ni milonga ya munyachi ya Izalele. Utanguko wa Yakomba uka? Hi Samaria ko? Mulonga wa munyachi wa Yunda uka? Hi Yerusaleme ko?

Mukanda Wa Zambi 1970

⁵ Yino yeswe muyibwa mumu Aisraele haanavulumuna, haanakatukila Zambi. Iya wakokelele Aisraele uhulia uno? Ngwami, Samaria, lie limbo lia wanangana! Iya hananjisa mahamba mu Yuda? Ngwami, mwe Yerusaleme iye mwene!

Mika 1:5 Iomraidhean Croise

1 Yitanga Ya Mianangana 11:7

Henaho Solomone yatunga nangamo hali Chemoshe che chizelwokeso cha A-Moape mu mulundu kulutwe lia Yerusaleme, ni hali Moleke che chizelwokeso cha A-Amone.

1 Yitanga Ya Mianangana 13:32

Mumu liji lize ambile ku kanwa lia Yehova lia kulimika ni chilumbilo cha Mbetele, ni kulimika ni mazuwo eswe ha manangamo a mu yihunda ya Samaria, kumulikamanunuka pundu.

1 Yitanga Ya Mianangana 16:24

Mba yalanda mulundu wa Samaria kuli Shemere ha ndando ya *talentu jiali ja prata. Yatunga ha mulundu mba yaluka chihunda chize atungile ngwenyi, Samaria mumu ha jina lia mwenya mulundu Shemere.

2 Sango Ja Mianangana 34:3

Mumu ha mwaka wamuchinake wa kuyula chenyi shimbu achili mukweze waputukile kufupa mwe Zambi ya kalamba kenyi David, mba ha mwaka kumi ni wamuchiali waputukile kupemesa Yunda ni Yerusaleme ku yuma ya manangamo, ni Ashera ni tuponya twa kwola ni twa kuzuzulula.

2 Sango Ja Mianangana 34:4

Yapuzula yilumbilo ya Ambale kumeso jenyi, ni yilumbilo ya insensu yize yapwile helu liayo chikolo yaateta. Ni Ashera ni tuponya twa kwola ni twa kuzuzulula yamakuna ni kufwenyona wungawunga, mba yaumwanga ha mafuka ja waze apwile nikwashihila yitapo.

Izaya 7:9

Ni mutwe wa Eframe Samaria, ni mutwe wa Samaria mwe mwana Remalia. Nyi kunuchi kufuliela, pundu kunuchi kukola.

Jeremia 2:17

Yena mwene walikokela chuma chino ha kwehuka Yehova Zambi ye shimbu te makusongwela mu jila.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 23:13

Muli aprofeta ja Samaria namwene chuma chipi. Aprofetezele ku tachi ja Mbale ni kupiangula atu jami A-Izalele.

Jeremia 23:14

Alioze muli aprofeta ja Yerusaleme namwene chuma cha kuvwisa lwaji. O kakulinga utanji ni kwenda ni mahuza. Kakutakamisa moko ja akwa kulinga yipi, kashika niumwe akuhichika ungulungulu wenyi. Eswe hanalumuka ngwe Sondome kuli yami; ngwe waze atwama mu Ngomora.

Jeremia 4:18

Ndako jenu ni yitanga yenu hiyanukokela chuma chino. Chino upatwilo wenu usasu chikolo; mba hiwanuheta ndo ku mbunge.

Jeremia 5:25

Uhenge wenu hiunahumu yino yuma, ni milonga yenu hiyinanumina yuma yipema.

Jeremia 6:19

Ena hashi panjika ngwami, Ngunaneha chipi hali wano atu, ye mihuko ya kutaka cho. Mumu kapanjikile ku maliji jami, ni shimbi yami hanalitunuyo.

Lungungu 5:16

Chipangula hichaholoka ku mutwe wetu. Lamba lietu mumu hitwavulumuna!

Ezekiel 16:46

Yayenu aye Samaria yoze Watwamine ni anenyi a mapwo sali ha ku Norte. Mwanakwenu yoze Watwamine sali ha ku Sule aye Sondome ni anenyi a mapwo.

Hosea 7:1

Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Amose 7:9

Mungwenyeka manangamo ja Izake, ni mazuwo asandu ja Izalele mungwapwisa a hululu mungukatukila zuwo lia Jeroboame ni katana.

Amose 8:14

Waze akulishinga ni shili ya Samaria, nikwamba ngwo, Ni mwono wa zambi ye, Ndane; hanji, Ni mwono wa jila ya Mbia-shipa, o kumakalimbuka; kechi kahinduka nawa nilimwe tangwa.

Mika 1:13

Enu akwa Lakishi kashilenu tuvwalu ku matemba, enu nwapwile uputukilo wa uvulumunyi kuli mwana-pwo Zaione, mumu muli yenu awanyine Utanguko wa Izalele.