Mika 1:3 - MUKANDA USANDU WA ZAMBI 1975

³ Mumu nyingikenu, Yehova kanakatuka kuma kwenyi, kumakahulumuka ni kuliata ha milundu ya hashi.

Mukanda Wa Zambi 1970

³ Mwene Zambi kanakatuka homa lienyi lia chijila; mahulumuka ni kwenda helu lia milundu.

Mika 1:3 Iomraidhean Croise

Jobe 40:12

Tala mweswe mukwa kulengumuka umukehese; uliate yingulungulu he ha umanyino wo.

Miaso (Masamu) 115:3

Alioze Zambi yetu mwilu ali. Hanalingi chize chamuwahila.

Izaya 25:10

Mumu kwoko lia Yehova kumulikatula ha mulundu uno ni A-Moape mapwa a kuliata kuma kwo ngwe kakuliata mwambu mu wina wa wilo.

Izaya 26:21

Mumu Yehova kanakatuka kuma kwenyi, kaneza akafwetese akwa hashi mumu ha uhenge wo. He hashi muhafukula manyinga aze hamwangaho, kuhechi kafuka nawa waze afwileho.

Ezekiel 3:12

Henaho mwe Spiritu yanguzundula, mba yingwivwa kunyima yami liji linene lia kutakumuka lia kwamba ngwo, Uhenya wa Yehova kuma kwenyi ukafumane!

Amose 4:13

Mumu nyingikenu; yoze wakuwumba milundu, ni kutanga fuji; yoze wakusolola manyonga jenyi kuli atu; yoze wakwalumuna chimene chikapwe milima; yoze wakuliata ha milundu ya hashi— jina lienyi Yehova, Zambi-ya-Tujita.

Amose 9:5

Mwene Yehova-wa-Tujita, yoze masunga hashi mba muhasangunuka, mba waze eswe aliho malishimwoka, neho heswe muhazunduka ngwe lwiji Nilo ni kuhuwa nawa ngwe Nilo wa Engitu;

Habakuke 3:19

Yehova Mwene iye tachi jami. Kakupwisa molu jami ngwe molu a kai. Kakungwendesa ha milundu yami. Kuli njimba wa lutwe: ha yisaji yami ya kusa.

Zakaria 14:4

Ha tangwa lize yiliato yenyi muyikamana ha mulundu wa Olevwe uze uli kulutwe lia Yerusaleme sali lia ku Chivumbuko. Mulundu wa Olevwe muukapulika yihanda yiali chize ku sali lia Chivumbuko ndo ku sali lia Chitokelo ngwe mungulunga unene chikolo, chocho chihanda chimuwika cha mulundu muchisetuka ku Norte ni chihanda chikwo ku Sule.

Shimbi 32:13

Wamwendesele ha manangamo a hashi. Yamulisa kulia cha ku minda. Yamwaha kushisa wuchi ku liwe. Ku liwe lia utale yamwaha maji.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.