Mika 1:16 - MUKANDA USANDU WA ZAMBI 1975

¹⁶ Lipwisenu ni lwole; litewulenu kambu jenu ha mukunda wa ana ja uwahililo wenu. Litewulenu ngwe makuyu, mumu manukatuka nikuya ku unjize.

Mukanda Wa Zambi 1970

¹⁶ Yenu tewulenu tuwewe mumu hali ana jenu waze nwazanga. Lipwisenu akwa lwole, mumu ana jenu kumaakaatwala mu undungo mu chifuchi cha mbala.

Mika 1:16 Iomraidhean Croise

1 MIANANGANA 17:6

Ha mwaka wamuchilivwa wa Hoshia, mwe mwanangana wa Asuria yatambula Samaria. Yambata A-Izalele funge ku Asuria, yaasa mu Hala, ni mu Habore ha lwiji Ngozane ni mu yihunda ya A-Media.

Jobe 1:20

Aho Jo yakatuka; yapula mazalo jenyi; yalitewula kawewe; yafulamana hashi ni kuwayila ngwenyi,

Izaya 15:2

Mwana wa Ndibone wa pwo hanakanduka ku manangamo akalile. Moape kanalili mbimbi ha Nebo ni Medeba. Mutwe weswe wa kawewe, ni wevu weswe wa kutewula.

Izaya 22:12

Ha tangwa lize Mwene Yehova-wa-Tujita yatambika mutambi wa kulila ni kulishimwoka, ni kulitewula ni kuzala chikeleyi;

Jeremia 16:6

Ni anene ni akepe mafwa mu chifuchi chino. Kechi kwafunda; kechi kwalila; niumwe malilemeka mumu hali ayo chipwe kulitewula.

Jeremia 4:8

Ha chikuma chino lijikenu ni chikeleyi. Lishimwokenu ni kulila mbimbi mumu utenu usasu wa Yehova kuwatukatukile.

Jeremia 47:5

Ngeza hapwa ni lwole, Asekalone hanonga. Enu masalila ja A-Anake, ndo mwiji muka munulitetateta?

Jeremia 6:26

Ena mwana wa pwo atu jami, zala chikeleyi, ukalilangumune mu uto. Ukalishimwoke ngwe hali mwana wa wika, kulila chisasu, mumu susumuku chonwonyi matuwana.

Jeremia 7:29

Tewula kambu je ujimbile; imba lungungu ha milundu ya hululu, mumu Yehova hambila chisemuko cha utenu wenyi; halitunacho.

Lungungu 2:19

Katuka, teta ha ufuku ha kuputuka tulayi! Zukula mbunge ye ngwe meya kumeso ja Mwene! Zundula moko je kuli iye ha mukunda wa ana je waze analezumuka ni zala ku songo lia tapalo lieswe.

Amose 7:11

Mumu Amose kanambe ngwenyi, Jeroboame kumakafwa ni katana, ni A-Izalele kumakaya ku unjize kusuku ni chifuchi chino.

Amose 7:17

Kashika Yehova kanambe ngwenyi, Pwo lie makapwa chikoi mu chihunda, anenu a malunga ni a mapwo makafwa ni katana, ni chifuchi che machipangila ni muhipu, ni yena mwene kumukafwa mu chifuchi cha luchisa, ni A-Izalele kumakaya ku unjize kusuku ni chifuchi cho.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Shimbi 28:41

Munukasema ana a malunga ni ana a mapwo, alioze kechi kapwa ninyenu, makaya ku ufunge.