Mika 1:1 - MUKANDA USANDU WA ZAMBI 1975

¹ Liji lia Yehova lize liejile kuli Mika wa ku Morese ha matangwa ja Yotame, ni Ahaze, ni Hezekia mianangana ja Yunda, lize amwene lia kutwala ku Samaria ni Yerusaleme.

Mukanda Wa Zambi 1970

¹ Ha matangwa ja Jotame, ni Ahaze, ni Hezekia mianangana ja Yuda, Mwene Zambi yalweza maliji wano kuli Mika, wa ku limbo lia Moreshete. Yamulweza Usolwelo wa yuma yino yeswe hakutwala ku membo ja Samaria ni Yerusaleme.

Mika 1:1 Iomraidhean Croise

1 MIANANGANA 15:32

Ha mwaka wamuchiali wa Peka mwana Remalia mwanangana wa Izalele, Yotame mwana Uzia mwanangana wa Yunda yaputuka kuyula.

1 MIANANGANA 15:5

Yehova yalamba Azaria, wapwile mukwa mbumba ndo tangwa lia kufwa chenyi nikutwama mu zuwo lia kumukwasa. Yotame mwana wa mwanangana wapwile helu lia zuwo nikuyula akwa chifuchi.

1 MIANANGANA 16:1

Ha mwaka kumi ni wamuchishimbiali wa Peka mwana Remalia, Ahaze mwana Yotame mwanangana wa Yunda yaputuka kuyula.

1 MIANANGANA 18:1

Mu mwaka wamuchitatu wa Hoshia mwana Ela mwanangana wa Izalele, Hezekia mwana Ahaze mwanangana wa Yunda yaputuka kuyula.

2 Sango Ja Mianangana 28:1

Ha kuputuka kuyula, Ahaze wapwile ni makumi aali a miaka, mba wayulile kumi lia miaka ni miaka yisambano mu Yerusaleme. Alioze kalingile chipema kumeso ja Yehova ngwe kalamba kenyi David.

2 Sango Ja Mianangana 29:1

Ha kuputuka kuyula Hezekia wapwile ni makumi aali a miaka ni miaka yitano. Wayulile makumi aali a miaka ni miaka livwa mu Yerusaleme. Jina lia naye Abija mwana Zekaria.

Izaya 1:1

Usolwelo wa Izaia mwana Amoze, uze amwene ha kutwala kuli A-Yunda ni A-Yerusaleme, ha matangwa a Uzia, ni Yotame, ni Ahaze, ni Hezekia, mianangana ja Yunda.

Izaya 1:2

Malilu, panjikenu. Hashi, neha matwi je. Mumu Yehova hanahanjika. Hinalela ana ni kwahoka, alioze hanangukatukila.

Izaya 7:1

Ha matangwa ja Ahaze mwana Yotame mwana Uzia mwanangana wa A-Yunda, Rezine mwanangana wa Seria, ni Peka mwana Remalia mwanangana wa A-Izalele akandukile ku Yerusaleme akase no jita, alioze kahashile kuchikumba.

Izaya 7:9

Ni mutwe wa Eframe Samaria, ni mutwe wa Samaria mwe mwana Remalia. Nyi kunuchi kufuliela, pundu kunuchi kukola.

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Hosea 1:1

Liji lia Yehova lize liejile kuli Hozea mwana Mberi ha matangwa ja Uzia ni Yotame, ni Ahaze, ni Hezekia, mianangana ja Yunda ni ha matangwa ja Jeroboame mwana Njoashe mwanangana wa Izalele.

Hosea 4:15

Chipwe yenu A-Izalele munulinga ukoi, hindu A-Yunda kanda anjila mu uhie. Kanda nunjila mu Ngilingali; kanda nukanduka ku Mbete-Avene; kanda nulishinga ngwenu, Ni mwono wa Yehova.

Hosea 8:14

Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Amose 1:1

Maliji ja Amose, aye wapwile hakachi ka tufunga twa mapanga a ku Tekoa; maliji aze amwene ha kutwala kuli Izalele ha matangwa a Uzia mwanangana wa Yunda, ni matangwa a Jeroboame mwana Njoashe mwanangana wa Izalele miaka yiali shimbu munyiko kanda wiza.

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Mika 1:5

Chino cheswe mumu ha Utanguko wa Yakomba ni milonga ya munyachi ya Izalele. Utanguko wa Yakomba uka? Hi Samaria ko? Mulonga wa munyachi wa Yunda uka? Hi Yerusaleme ko?

Mika 3:9

Panjikenu, enu akwa lutwe mu munyachi wa Yakomba, ni akwa kuyula mu munyachi wa Izalele. Enu upatwilo wa kulita wanupihila, nwakuhengesa ululi weswe.

Habakuke 1:1

Liji lia Zambi lize alimwene kuli profeta Habakuke.

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.