Miaso (Masamu) 82:3 - MUKANDA USANDU WA ZAMBI 1975

³ Patwila chiswale ni mwana-shiwa. Linga ni ululi kuli mukwa lamba ni mukwa kufulwa.

Mukanda Wa Zambi 1970

³ Hakwilenu yiswale ni ana a shiwa, batulenu ni ululi milonga ya akwa lamba ni akwa kufulwana.

Miaso (Masamu) 82:3 Iomraidhean Croise

Jobe 29:12

mumu napulile yiswale waze atetele, ni ana-shiwa waze kapwile ni yikwashi.

Jobe 31:21

nyi hinazundula kwoko liami kulimika ni mwana-shiwa mumu ha kumona chikwashi ku chikolo,

Miaso (Masamu) 10:18

Hanga ukalinge ululi kuli mwana-shiwa ni mukwa luyinda, hanga mukwa hashi keshi kuvwisa mwongo nawa. Kuli Njimba mukwa lutwe. Samu lia David.

Kutuhuka 23:3

Chipwe kanda ukalemesa chiswale ni chikuma chenyi.

Kutuhuka 23:6

Kanda ukahengesa upatwilo wa mukwenu chiswale ku chikuma chenyi.

Yishima 31:9

Pakula kanwa lie ukapatule ni ululi; ukapatwile yiswale ni akwa kuhona.

Izaya 1:17

lilongesenu kulinga yipema; fupenu ululi; yulenu uswi; fungenu ana-ashiwa, hakwilenu tuliwa.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 22:16

Wapatwile kanawa chikuma cha chiswale ni mukwa kuhona, miaka yize te kanawaha. Yehova kanambe ngwenyi, Chenacho te chinalumbunuka kungunyingika.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 5:28

Hatoha, hasenena. Keshi ni haze mapwisa ha kulinga ungulungulu; Kapatwile ni kulita chikuma cha ana-shiwa chikawahe; keshi kufunga chize chinalite kuli yiswale.

Zakaria 7:9

Yehova-wa-Tujita kanambe ngwenyi, Patulenu ni ululi; lingenu ni utu ni keke mutu mweswe kuli mukwo.

Shimbi 10:18

Kakupatwila ni ululi shiwa ni twamishi, kazanga chilambala nikumwaha kulia ni mazalo.

Shimbi 24:17

Kanda nuhengesa upatwilo wa chilambala, chipwe wa shiwa, chipwe kanda nuchiza mazalo a twamishi kupwa chifungo,

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.