Miaso (Masamu) 81:3 - MUKANDA USANDU WA ZAMBI 1975

³ Humunenu chitavwi ha kakweji mwaha, ha hakweji wa kuunduka, ha chiwanyino chetu.

Mukanda Wa Zambi 1970

³ Humunenu yitavwi ya chiwanyino, muze kakweji machitetama ni muze habwa ha muchima.

Miaso (Masamu) 81:3 Iomraidhean Croise

1 MIANANGANA 4:23

Lunga yamba ngwenyi, Kuchi te muoya kuli iye musono? Kuchapwile kakweji mwaha hanji Sambata. Pwo yamba ngwenyi, E tuhu. Muchiwaha.

1 Sango Ja Mianangana 15:16

David yamba akwa lutwe a A-Levi ngwenyi, Tongolenu usoko wenu akapwe njimba a kwimba yisaji, ni yisaji ya kusa, ni tulialia, ni sembalu, ni kulikwiza ni liji lia uwahililo.

1 Sango Ja Mianangana 15:19

Njimba Hemane, ni Asafwe, ni Etane embile sembalu ja unengu.

1 Sango Ja Mianangana 15:24

Shebania, ni Yehosofate, ni Netanele, ni Amasai, ni Zekaria, ni Benaia, ni Elieza asasendote embile yitavwi kulutwe lia mushete wa Zambi. Obede-Endome ni Jehia apwile akwa kufunga pito ku mushete.

1 Sango Ja Mianangana 16:42

Hamwe no Hemane ni Yedutune apwile ni yitavwi ni sembalu ha kwimba, ni yisaji ha miaso ya Zambi, ni ana ja Yedutune akamane ku chikolo.

1 Sango Ja Mianangana 16:6

ni asasendote Benaia, ni Jaziele, memba yitavwi matangwa eswe kulutwe lia mushete wa usendo wa Zambi.

1 Sango Ja Mianangana 25:1

Chikwo nawa David ni tupitau twa tujita yahandunwina ha milimo amwe ana ja Asafwe, ni a Hemane, ni a Yedutune waze maprofeteza ni tulialia, ni yisaji ya kusa, ni sembalu. Kwalula cha waze alingile milimo nikulita ni uvumbiko chapwile,

2 Sango Ja Mianangana 13:12

Chikwo nawa Zambi kwali hamwe ni yetu kututetekela, ni asasendote jenyi ni yitavwi ya kulungula akahumune kutulungula kulimika ni yenu. Enu A-Izalele! Kanda nwasa jita ni Yehova Zambi ya tulamba twenu, mumu kunuchi kuwahamo.

2 Sango Ja Mianangana 13:14

Mba muze A-Yunda yatala kunyima, jita yapwile kulutwe lio ni kunyima yo. O yateta kuli Yehova ni asasendote ahumwine yitavwi.

2 Sango Ja Mianangana 2:4

Mungutunga zuwo ha jina lia Yehova Zambi yami ngukamutumbikilelio hanga tukamwochele insensu ya lupembo mupema kumeso jenyi, ni ha mbolo ja kutumbieka matangwa eswe, ni ha milambu ya kulumba chimene ni chingoloshi, ha masambata, ni ha kakweji mwaha, ni ha yiwanyino ya Yehova Zambi yetu ya kufunjika. Yino yapwa ya shimbi kuli A-Izalele ku miaka ya mutolo.

2 Sango Ja Mianangana 5:12

chikwo nawa njimba ja A-Levi eswe, Asafwe ni Hemane ni Yedutune ni ana jo ni usoko wo, kanazala linyu lipema, ni kukwata sembalu ni yisaji ya kusa ni tulialia, kanamana ku sali lia chilumbilo lia ku Chivumbuko hamuwika ni kulakaji lia asasendote ni makumi aali a asasendote nikuhumuna yitavwi);

2 Sango Ja Mianangana 8:13

nikulita ni uvumbiko wa tangwa ha tangwa. Yalambula nikulita ni shimbi ya Mose, ha masambata, ni ha kakweji mwaha, ni ha yiwanyino ya kutongola, katatu ha mwaka, ngwami, chiwanyino cha mbolo kuyishi futunwiso, ni chiwanyino cha masemana, ni chiwanyino cha yisakila.

Miaso (Masamu) 149:3

Akahalise jina henyi nikuhangana. Akamwimbile uhaliso ni kangoma ni kalialia.

Miaso (Masamu) 33:2

Sakwililenu Yehova ni kalialia; mwimbilenu uhaliso ni kalialia wa kumi lia kusa.

Miaso (Masamu) 98:6

Likwizenu kumeso ja Mwanangana Yehova, ni yitavwi ni liji lia njalamina.

Lungungu 2:6

Hanapuzula chisakila chenyi ngwe chimwe cha kutunga ku naka. Hanapwisa ngundu chihela chenyi cha yiwanyino ya kufunjika. Mu Zaione Yehova hanasulisa yiwanyino ya kufunjika ni masambata. Mu matoto jenyi asasu hanambila ni mwanangana ni sasendote.

Nahume 1:15

Talenu ha milundu molu ja mukwa kuneha lusango mupema; kakwambujola sambukila. Enu A-Yunda fungenu yiwanyino yenu. Linga yilakenyo yenu ya shingo, mumu chingulungulu kechi keza kulimika ni yenu nilimwe tangwa; hamutetaho.

Kwalula 15:3

nyi munukazanga kulambula kuli Yehova mulambu wa kahia, hanji mulambu wa kulumba, hanji chitapo, mukumanununa chilakenyo chimwe, hanji mulambu wa mbunge, hanji ha matangwa a yiwanyino yenu ya kutongola mukulambula kuli Yehova wa lupembo mupema, wa ku ngombe, hanji wa ku mapanga:

Kwalula 28:11

Ha kuputuka cha tukweji twenu, nukalambule kuli Yehova mulambu wa kulumba: yimbembe aali a kuji, ni kuji ya panga umuwika, ni kuji a mapanga shimbiali a mwaka umuwika, keshi chipa;

Shimbi 16:15

Nulinge chiwanyino kuli Yehova Zambi yenu matangwa shimbiali kuze Yehova matongola. Nuwahilile wika mumu Yehova Zambi yenu kumakanuwahisa ku kwoka cheswe cha mbuto jenu ni ku milimo yeswe ya moko jenu.

Kolosu 2:16

Niumwe kanda anupatwila kashika ha kulia, hanji ha kunwa, hanji ha kutwala ku tangwa lia chiwanyino, hanji kakweji mwaha, hanji tangwa lia Sambata.