Miaso (Masamu) 8:3 - MUKANDA USANDU WA ZAMBI 1975

³ Shimbu mungutala malilu, che chitanga cha minwe ye; kakweji ni matongonoshi aze walulikile;

Mukanda Wa Zambi 1970

³ Muze nakutala lilu lize watangile, ni kakweji ni matongonoshi, yize wasele muma liayo,

Miaso (Masamu) 8:3 Iomraidhean Croise

Ubutukilo 1:1

Ha uputukilo Zambi watangile malilu ni hashi.

Jobe 22:12

Zambi katwamine kuze ku malilu? Kwamwene matongonoshi aze asuku chikolo? Anazunduka Chichize!

Jobe 25:3

Mahasa kwalula tujita twenyi? Pangu lienyi kuliavumbukile hali iya?

Jobe 25:5

Achi talenu, chipwe kakweji katemukine liakulu; chipwe matongonoshi kapemene kumeso jenyi;

Jobe 36:24

Kanda uvulama kulemesa yitanga yenyi, yize atu kakwimbila.

Miaso (Masamu) 104:19

Wasele kakweji kulweza tungonde; tangwa kuliakunyingika kunjila chalio.

Miaso (Masamu) 111:2

Yitanga ya Yehova yinene; kakuyifupa kuli waze eswe akuwahililamo.

Miaso (Masamu) 148:3

Enu tangwa ni kakweji, muhalisenu. Enu matongonoshi eswe a pangu, muhalisenu.

Miaso (Masamu) 19:1

Malilu kakwambujola ulemu wa Zambi. Che kuzazuluka cha mwilu chakulweza utotombo wenyi.

Miaso (Masamu) 33:6

Atangile malilu ku liji lia Yehova; chizavu chamo cheswe wachitangile ni mwiku wa mu kanwa lienyi.

Miaso (Masamu) 89:11

Malilu ninye, ni hashi nawa. Muno-muze ni yuma yeswe yatwamamo yena wayikolesele.

Kutuhuka 31:18

Muze Yehova hamana kulishimwinya nenyi ha mulundu wa Sinai, yahana kuli Mose mikanda yiali ya Shindakenyo, te mikanda ya mawe ya kusoneka ni munwe wa Zambi.

Kutuhuka 8:19

Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.

Luka 11:20

Alioze kachi ni munwe wa Zambi yami nakutuhwisa andemoniu, kachi wanangana wa Zambi hiuneza hali yenu.

A-ROMA 1:20

Mumu chize ku kutanga cha hashi, yuma yenyi yize kuyishi kumoneka, yinamoneka pundu, se kuyinalumbunuka ku yuma yize yakutangiwa, ni tachi jenyi ja mutolo ni uzambi wenyi; hanga akaapwise keshi kaliongelo.

Shimbi 4:19

Kuchina munuhetula meso jenu ku malilu mba ha kumona tangwa, ni kakweji, ni matongonoshi, te yizavu yeswe ya ha malilu, munuhungumuka nikuyiwayila nikuyivumbika, yuma Yehova Zambi yenu wayipangilile mavungu, eswe ali kushi lia malilu.