Miaso (Masamu) 74:3 - MUKANDA USANDU WA ZAMBI 1975

³ Kandwisa yiliato ye ku yikulu ya miaka, ku yipi yeswe mukwa kole halinga muma musandu.

Mukanda Wa Zambi 1970

³ Tweya uchendangane kama mu yikulo yino; akwa kole haanabuzwola yuma yeswe ya mu zuwo lie!

Miaso (Masamu) 74:3 Iomraidhean Croise

1 MIANANGANA 25:9

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

Nehemia 1:3

Yangulweza ngwo, Masalila waze a ku unjize aliko mu chifuchi kanatwama mu huli ni sau. Chipanga-cha-mawe cha Yerusaleme nawa chapuzuka ni yajilo yacho hiyawema ni kahia.

Nehemia 2:13

Yingutuhuka ha ufuku ku chikolo cha chikulo kutalikisa ku shima lia mikuza, ni ku chikolo cha pinga, nikutala yipanga-ya-mawe ya Yerusaleme, hiyinapuzuka ni yajilo yayo hiyinaweme ni kahia.

Nehemia 2:3

Yingwamba kuli mwanangana ngwami, Vulie, mwanangana. Te chichi kupwa ni chinyengo ku meso, shimbu chihunda kuze kwatwama mafuka ja tulamba twami chapwa cha hululu, ni yajilo yako hiyinaweme ni kahia?

Miaso (Masamu) 44:23

Laula Mwene! Kuchi te unayi tulo? Ukatuke! Kanda utumbila ku miaka ya mutolo.

Miaso (Masamu) 44:26

Hinduka kama utukwase, utukule nawa mumu ha utu wa zango lie. Kuli Njimba mukwa lutwe. Ha Shoshanime. Wa ana a Kora. Masakile. Mwaso wa zango.

Miaso (Masamu) 79:1

Zambi, akwa mavungu hanjila mu chihinga che. Hanajitula tembele ye yisandu. Hapwisa Yerusaleme yikulu.

Izaya 10:6

Ngunamutumu kulimika ni vungu lia yingandangali. Ngunanwehe shimbi kulimika ni atu ja ufwatulo wami, akatambule upite akapunde yikumba, akaaliate ngwe malowa ha tapalo.

Izaya 25:10

Mumu kwoko lia Yehova kumulikatula ha mulundu uno ni A-Moape mapwa a kuliata kuma kwo ngwe kakuliata mwambu mu wina wa wilo.

Izaya 61:4

Makatunga nawa mazuwo a shakulu waze hanapuzuka, makatunga nawa yuma ya kushi yize hanonwona. Makalulika yihunda yize hiyinalumbuka, yuma ya kwonwona ku yisemuko yinji.

Jeremia 52:13

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

Lungungu 1:10

Mukwa kole hazoza moko jenyi ha yuma yenyi yeswe yilemu; ewa, hamona mavungu kulokola muma mwenyi musandu; waze te yena waakanjishile kunjila mu chikungulwila.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 9:17

Kashika Zambi yetu, panjika ku kulemba cha kavumbi ke ni ku kuliumba chenyi; ha mukunda wa yena mwene pangulwisa meso je ha zuwo lie lisandu, mumu liatwama lia hululu Mwene.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Mika 1:3

Mumu nyingikenu, Yehova kanakatuka kuma kwenyi, kumakahulumuka ni kuliata ha milundu ya hashi.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Marku 11:17

Iye waalongesele, ngwenyi, Kuchasonewene, nyi? Ngwo, Kumakavuluka zuwo liami ngwo, Zuwo lia kulembela hali mavungu eswe? Alioze yenu hinunalipwisa chivwenge cha mihuza.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Yoshua 10:24

Muze haneha e mianangana kuli Yoshua iye yasanyika malunga eswe a Izalele. Yamba kuli akwa lutwe a tujita waze ayile nenyi ngwenyi, Kundamenu nukaliate ha kota ja wano mianangana. O yakundama, yaliata ha kota jo.

Usolwelo 11:2

Alioze yize, yize yili haze lia tembele, hichika, kanda uyeseka; mumu hanayihana kuli akwa mavungu: ni limbo lisandu kumakaliliata kushi lia yiliato makumi awana a tukweji ni tukweji aali.