Miaso (Masamu) 69:3 - MUKANDA USANDU WA ZAMBI 1975

³ Janguhwa ni kulila chami. Muliwu wami unomu chau. Meso jami hijahwa nikutalatala Zambi yami.

Mukanda Wa Zambi 1970

³ Hijanguhwa ni kuteta, ngukwase kama, liji hiliangubata mbee. Meso jami haasasaminya mumu ngunatalatala ungukwase kama.

Miaso (Masamu) 69:3 Iomraidhean Croise

Jobe 11:20

Alioze meso ja yingulungulu makahwa; kechi kuwana jila ya kwombokela; kufwa muchipwa kutalatala cho.

Jobe 16:16

Ku meso jami kunachili ni kulila; yindayizo yami yinalá pwi.

Miaso (Masamu) 119:123

Meso jami hanahu nikutalatala ulamwino we ni liji lie lia ululi.

Miaso (Masamu) 119:82

Meso jami kanafu ha kulawokela liji lie, shimbu ngunambe ngwami, Tangwa lika mukangulembe jeka?

Miaso (Masamu) 22:15

Tachi jami jinomu ngwe chipalupalu cha ndeho; limi liami linalamata ku mbangachi jami; kuwanguneha mu fufuta ya kufwa.

Miaso (Masamu) 22:2

Zambi yami, nakuteta, ha mwalwa, alioze kushi kungukumbulula; nakuteta ha ufuku, chishi kuhola.

Miaso (Masamu) 25:21

Kutuwika cha mbunge ni ululi ungufunge, mumu hali yena ngunatatatata.

Miaso (Masamu) 39:7

Mba haliapwila Mwene, yika ngunashimbwila? Kutalatala chami chili muli yena.

Miaso (Masamu) 40:3

Wasele mwaso waha mu kanwa liami, ewa, uhaliso kuli Zambi yetu. Anji machimona mba mevwa woma, mafuliela Yehova.

Miaso (Masamu) 6:6

Yikatalo ngunevu ya mikuma yami. Ufuku weswe nakuulisa muhela wami ni masoji. Nakuhinjila muu wami ni masoji jami.

Miaso (Masamu) 69:21

Ha kulia chami nawa anguhele kasashisa; ha pwila yami anguhele vinagre ngukanwe.

Miaso (Masamu) 88:7

Ufwatulo we unangushate chikolo. Hiunangulambe ni mikanya ye yeswe.(Litulike.)

Izaya 38:14

Ngwe chitokola hanji kapiasayingutetwoka, yingutwa mikuma ngwe katele. Meso jami yikatalo anevu ni kutala kwilu. Mwene, kanangupinjisa, pwako yena chikwashi chami.

Lungungu 2:11

Meso jami hahwa ni kulila; mwono wami unalifwichi; mbunge yami yinapukumuka ni chikulikuli mumu hanonwona mwana wa pwo atu jami, mumu ana a kemba ni achila kanalezumuka mu matapalo ja chihunda.

Yoano 19:28

Kulutwe lia chino, Yesu, se kananyingika yuma yeswe hiyamanunuka, hanga chisoneko chikamanunuke, yamba ngwenyi, Pwila ngunevu.

Shimbi 28:32

Kumakahana ana jenu a malunga ni ana jenu a mapwo kuli atu eka, meso jenu matala, makapwa ni usona wo tangwa lieswe, moko jenu makahona tachi.

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.