Miaso (Masamu) 67:4 - MUKANDA USANDU WA ZAMBI 1975

⁴ Mavungu akawahe; akembe ni chiseke, mumu yena mupatwita atu ni ululi. Mukayula mavungu hano hashi.(Litulike.)

Mukanda Wa Zambi 1970

⁴ Mavungu awahilile, embe ni chiseke, mumu yena wakubatwila atu ni ululi, yena wakusongwela mavungu eswe.

Miaso (Masamu) 67:4 Iomraidhean Croise

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

Miaso (Masamu) 2:8

Eta kuli yami mba mungukwaha mavungu ha chihinga; mungukwaha masongo a hashi ukaapite.

Miaso (Masamu) 82:6

Nambile ngwami, Nuli mazambi. Eswe nuli ana ja mwe Chitunda.

Miaso (Masamu) 9:8

Iye kumakasopesa akwa hashi ni ululi; kumakapatwila akwa mavungu nikulita.

Miaso (Masamu) 96:10

Ambenu hakachi ka mavungu ngwenu, Yehova kanayulu! Hashi kuhanakolo kuhechi kuhasa kunyika. Iye kumakayula atu nikulita.

Miaso (Masamu) 98:9

kumeso ja Yehova, mumu kaneza mukupatwila hashi. Kumakapatwila muno-muze ni ululi. Kumakapatwila mavungu ja atu nikulita.

Izaya 54:1

Imba, ena mumba kwasemene! Putuka mwaso ni kulikwiza, ena kwafumbajalile! Mumu ana ja mukwa kuyindama mahiana ana ja mukwa ulo. Chocho kanambe Yehova.

Izaya 55:4

Namupwishile chela ku mavungu; kasongo ni kapitau ka minyachi.

Izaya 60:6

Mbunga ya tumelu muyikanufuka, yimbembe ja tumelu a ku Mindiane ni Efwa. Ni akwa Shipa eswe kumakeza. Makaneha oru ni libano; kumakambulula uhaliso wa Yehova.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

Galashia 4:27

Mumu chinasonewa ngwo, Wahilila, yena mumba, kushi kusema, Kalumioka, ukololoke, yena kushi kufumbajala. Mumu ana ja twamishi anji kuhiana, yoze uli ni mukwo-lunga akehe.

Shimbi 32:43

Enu mavungu, halisenu atu jenyi, mumu hafwetesa manyinga a tuvumbi twenyi. Yalikala hali akwa kulimika nenyi. Hapemesa chifuchi cha atu jenyi.