Miaso (Masamu) 4:3 - MUKANDA USANDU WA ZAMBI 1975

³ Alioze nyingikenu ngwo, Yehova kakulisela mukwa uwayilo hali iye mwene. Yehova kumevwa muze mungutambika kuli iye.

Mukanda Wa Zambi 1970

³ Alioze nyingikenu ngwenu, Mwene Zambi hanangutongola kubwa lume niwenyi, kakungubanjika muze nakulemba kuli iye.

Miaso (Masamu) 4:3 Iomraidhean Croise

Miaso (Masamu) 31:23

Zangenu Yehova, enu asandu jenyi eswe; Yehova kakufunga waze akushishika; kakufwetesa chikolo yoze wakulinga ni kulengumuka.

Miaso (Masamu) 34:15

Meso a Yehova katala kuli akwa ululi. Matwi jenyi kajikuka ku muteto wo.

Miaso (Masamu) 49:3

Kanwa liami mulikahanjika mana. Kupukuna cha mbunge yami muchikapwa cha chinyingi.

Miaso (Masamu) 50:5

Ngwenyi, Kungululenu asandu jami kuli yami, waze hanakolesa usendo wa chitapo ni yami.

Miaso (Masamu) 56:9

Mba akwa kole jami makahiluka kunyima tangwa lize mungutambika. Chino ngunanyingika ngwami, Zambi ha sali lia yami ali.

Miaso (Masamu) 6:8

Katukenu kuli yami yenu eswe akwa kulinga uhenge; mumu Yehova hanevu liji lia kulila chami.

Miaso (Masamu) 62:10

Kanda ufuliela mbenga. Kanda ulilengela ni ungumba. Chipwe upite muoka kanda ukausa mbunge ye.

Kutuhuka 33:16

Kuchi mungunyingika ngwami, Hinawana vumbi kumeso je, ni yami ni atu je? Te kuchapwile ha chuma chino nyi? Mumu yena wakuya hamwe ni yetu, chocho ni yami ni atu je tukahandunuke kuli atu eswe muno muze.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

2 Timoteu 2:19

Hindu fundamentu yingunu ya Zambi kuyakola, yikwete Chijikilo chino ngwo, Mwene kananyingika ninyenyi; chikwo ngwo, Mweswe mavuloka jina lia Mwene akakatuke ku uhenge.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;