Miaso (Masamu) 4:2 - MUKANDA USANDU WA ZAMBI 1975

² Enu ana ja atu ndo mwiji muka munwalumuna ulemu wami ukapwe sonyi? Ndo mwiji muka munuzanga kulenga chamokomoko nikufupa mahuza?(Litulike.)

Mukanda Wa Zambi 1970

² Yenu atu, ndoo mwiji muka munukecha kungushililika? Ndoo mwiji muka munukecha yuma yamokomoko ni ya mahuza?

Miaso (Masamu) 4:2 Iomraidhean Croise

Miaso (Masamu) 106:20

Chocho alumwine ulemu wo ukapwe mu kulifwa cha ngombe yoze wakulia mwambu.

Miaso (Masamu) 14:6

Nwakolesele sonyi yiyulo ya akwa luyinda, alioze Yehova iye chiswamo chenyi.

Miaso (Masamu) 2:1

Kuchi te mavungu analikungulula ni Chizungozungo? Kuchi te e atu kakutaka chuma chamokomoko?

Miaso (Masamu) 3:3

Alioze yena Yehova, uli lukepwe wa kungujingilika, uli ulemu wami, uli mukwa kuhetula mutwe wami.

Miaso (Masamu) 31:6

Nakuvwila kole waze akutala yuma yamokomoko ya mahuza, alioze yami kunafuliela Yehova.

Miaso (Masamu) 5:6

Kumuwonwona waze akuhanjika mahuza. Yehova kakuvwila lwaji mukwa kumwanga manyinga, ni mukwa kwonga.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 57:4

Mwono wami watwama hakachi ka ndumba. Ngunapombo hakachi ka waze akuhwilijela kahia; chipwe ana ja atu aze akwete mazo ngwe makunga ni mivu; limi lio liapwa ngwe katana wa kuhela.

Miaso (Masamu) 58:1

Ha kuhola kulungunga nunahanjika ululi, nyi? Enu ana ja atu, nwakupatula ni umwenemwene, nyi?

Miaso (Masamu) 58:3

Yingulungulu kahungula Zambi chize ku jimo. Machiasema o mahungumuka nikuhanjika mahuza.

Miaso (Masamu) 63:11

Mumu mwanangana kumakawahilila muli Zambi; mweswe malishinga nenyi malisamba. Mumu kanwa lia waze akuhanjika mahuza kumakalipakika.

Miaso (Masamu) 72:2

Iye kumakapatwila atu je ni ululi; kumakapatwila yiswale je ni umwenemwene.

Kutuhuka 10:3

Mose ni Arone yaheta kuli Falau, yamba kuli iye ngwo, Chocho anambe Yehova, Zambi ya A-Hepreu, ngwenyi, Ndo mwiji muka kusolo kulilelesa kumeso jami? Echa atu jami aye, akangulingile.

Yishima 1:22

Enu yizuzuke, ndo mwiji muka munuzanga uzuzuke? Ndo mwiji muka akwa kulenya mawahilila ni kulenya cho? Ndo mwiji muka yihepuke mavwila kole yinyingi?

Longeshi 8:11

Mbunge ja ana ja atu hanajise liakulu muchima lio kulinga chipi mumu kafwetesele nikawashi upatwilo wa chitanga chipi.

Longeshi 9:3

Chino chapwa chuma chipi mu yitanga yeswe kushi iia tangwa—songo limuwika liakwawana eswe. Chikwo nawa mbunge ja atu jazala tò ni yipi; uzaluke watwama mu mbunge jo shimbu mapwa ni mwono, mba kulutwe lia chino kakuya ku ufwe.

Izaya 20:5

Mba kumakalishimwoka ni kutatajala mumu ha kutenga Etiopia kutalatala cho ni ha kulisamba ni A-Engitu.

Izaya 45:17

Alioze Yehova kakulamwina A-Izalele ni ulamwino wa mutolo. Enu kunuchi kevwa sonyi chipwe kutatajala ku miaka ya mutolo.

Izaya 59:4

Niumwe unasopo ni ululi, niumwe unatwala chikuma chenyi ku lwaza ni mbunge yipema. Kakufuliela ungaji wamokomoko, kakuhanjika mahuza. Kakwaka uhuka ni kusema uhenge.

Jeremia 2:11

Vungu limwe hiliasumbakenya mazambi jalio, chipwe kapwile mazambi amwenemwene? Alioze atu jami hasumbakenya uhenya wo ni chuma chimwe kuchafumbwile.

Jeremia 2:5

Yehova kanambe ngwenyi, Chipi chika akakenu awanyine muli yami mba hangukatuka nikuya kusuku, nikukaula yuma yamokomoko nikwalumuka amokomoko?

Jeremia 9:3

Kakunana malimi jo ngwe uta; mahuza hakola mu chifuchi, hi umwenemwene ko. Kakuya chize ku chipi chimwe ndo ku chipi chikwo, kangunyingikine. Chocho kanambe Yehova.

Hosea 4:7

Cheswe anayi nikwoka chocho anaweze kunguvulumuna. Mungwalumuna uhenya wo ukapwe sonyi.

Yona 2:8

Waze akutala ku yuma yamokomoko ya mahuza kakwehuka vumbi lio ene.

Kwalula 14:11

Yehova yamba kuli Mose ngwenyi, Ndo mwiji muka wano atu mapwa nikungunyehuna? Ndo mwiji muka keshi kungufuliela, chipwe o hanamono yilayi yeswe nalingile hakachi ko?

Yilinga 24:9

Ni A-Yunda nawa alifutwile ni kusuma chino, nikutayiza ngwo, Chochene.

1 Korintu 1:31

hanga, nikulita ngwe chinasonewa ngwo, Yoze malisamba, akalisambe muli Mwene.

Efesu 4:25

Kashika nikumbila mahuza, hanjikenu umwenemwene mweswe ni mwenyembo wenyi; mumu tuli yihanda yimwe ya mukwo.

1 Samuel 12:21

Kanda nupiasukila ha kukaula yuma yamokomoko yize kuyichi kuhasa kunukwasa hanji kunupulula mumu kuyapwa yamokomoko.