Miaso (Masamu) 3:3 - MUKANDA USANDU WA ZAMBI 1975

³ Alioze yena Yehova, uli lukepwe wa kungujingilika, uli ulemu wami, uli mukwa kuhetula mutwe wami.

Mukanda Wa Zambi 1970

³ Alioze yena Zambi uli lukebwe wami, wakungufunga ku utoji; wakungukwasa kukumba, wakunguhetula.

Miaso (Masamu) 3:3 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 40:13

Ha matangwa atatu Falau maka-hetula mutwe we. Makusa nawa ku milimo ye, mba mukahana musenge wa Falau ku kwoko lienyi ngwe walingile shimbu uchili mukwa musenge wenyi.

1 MIANANGANA 18:30

Kanda nutayiza Hezekia ha kwamba ngwenyi, Fulielenu Yehova; Yehova matupulula, mba chihunda chino kechi kuchihana kuli mwanangana wa Asuria.

1 MIANANGANA 18:32

ndo mungwiza kunutwala ku chifuchi chimwe chalifwa ni chifuchi chenu chifuchi cha mbuto ni vinyu; chifuchi cha mbolo ni mitondo ya uva; chifuchi cha azeite ni wuchi, hanga nukatwame ni mwono, ni kufwa ka. Kanda nupanjika kuli Hezekia muze manulembejeka ngwenyi, Yehova matupulula.

1 MIANANGANA 25:27

Ha mwaka makumi atatu ni wamuchishimbiali wa ufunge wa Jehoachine mwanangana wa Yunda, ni ha kakweji kumi ni wamuchiali, ni ha tangwa makumi aali ni liamuchishimbiali lia kakweji, mwe Evile-Merodake mwanangana wa Babilonia, ha mwaka yaputuka kuyula, wachijile Jehoachine mwanangana wa Yunda mu zuwo lia ususu.

Miaso (Masamu) 110:7

Kumakanwa meya ku chitwetwe mu jila, kashika mapalika ni mutwe wa kuhetula.

Miaso (Masamu) 119:114

Yena uli chiswamo chami kanda lukepwe wami. Nakutalatala ku liji lie.

Miaso (Masamu) 18:2

Yehova iye liwe liami, ni mbonge yami, ni mukwa kungupulula; Zambi yami ni liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku.

Miaso (Masamu) 27:6

Haliapwila kumazundula mutwe wami helu lia akwa kole jami a kungujingilika. Mungutambula yitapo ya uwahililo mu tabernakulu yenyi. Mungwimba, ewa mungwimbita Yehova uhaliso.

Miaso (Masamu) 28:7

Yehova iye tachi jami ni lukepwe wami. Mbunge yami kuyamufuliela; kangukwasa. Kashika mbunge yami yinawahilila chikolo, mungumunalisa ni mwaso wami.

Miaso (Masamu) 4:3

Alioze nyingikenu ngwo, Yehova kakulisela mukwa uwayilo hali iye mwene. Yehova kumevwa muze mungutambika kuli iye.

Miaso (Masamu) 62:7

Kuli Zambi kwatwama ulamwino wami ni ulemu wami. Liwe lia tachi jami kanda uchinyino wami uli muli Zambi.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Izaya 45:25

Muli Yehova ana eswe a Izalele makumba ni kulisamba.

Izaya 60:19

Tangwa kulichi kapwa nawa pang u lienu lia mwalwa; kakweji kechi katemuka kuli yenu ha ufuku. Alioze Yehova makapwa pangu lienu lia mutolo, Zambi yenu makapwa uhenya kuli yenu.

Luka 2:32

pangu lia kutemwina akwa mavungu, ni uhenya wa atu je, A-Izalele.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.

Usolwelo 21:11

Lili ni uhenya wa Zambi: pangu lialio liakulifwa ni liwe lilemu liahiana, ngwe liwe lia jasepe, ngwe kristale.

Usolwelo 21:23

Limbo kuliafupile tangwa, chipwe kakweji kupangukamo, ka; mumu uhenya wa Zambi hiunalipangulula, ni ndeya yalio, mwe Mwana-panga.