Miaso (Masamu) 26:3 - MUKANDA USANDU WA ZAMBI 1975

³ Mumu utu wa zango lie kumeso jami uli, ni yami kunenda mu umwenemwene we.

Mukanda Wa Zambi 1970

³ Wakungusongwela ni zango lie lize kulishi kuhwa, wakungutwala ni kushishika che matangwa eswe.

Miaso (Masamu) 26:3 Iomraidhean Croise

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Miaso (Masamu) 101:2

Kumungulinga ni mana mu jila yingunu. Mwiji muka muwiza kuli yami? Kumungwenda mu zuwo liami ni mbunge yingunu.

Miaso (Masamu) 119:142

Ululi we kuwapwa wa mutolo. Shimbi ye we umwenemwene.

Miaso (Masamu) 25:5

Ngusongwele mu umwenemwene we, ungulongese; mumu yena uli Zambi ya ulamwino wami, kuli yena nakutatatata tangwa lieswe.

Miaso (Masamu) 52:1

Kuchi te wakulisamba ni yipi, ena mukwa ndundo? Utu wa zango lia Zambi kuwalinduluka matangwa eswe.

Miaso (Masamu) 86:11

Yehova, ungulongese kama jila ye. Mungwenda mu umwenemwene we. Mbunge yami yipwe yimuwika ya kuvwila woma jina lie.

Izaya 2:5

Enu akwa munyachi wa Yakomba, tweyenu tukende mu pangu lia Yehova.

Izaya 8:20

Tuyenu ku lie longeso ni ye Shindakenyo! Nyi kahanjikile nikulita ni liji lino mba kuvumbuka cha tangwa kuchishiko kuli ayo.

Luka 6:36

Pwenu akwa keke kashika chizechene ngwe Tatenu nawa iye mukwa keke.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

2 Korintu 3:18

Alioze yetu eswe, ni meso a kufukuka nikunwina uhenya wa Mwene, ngwe katalilo wa kupeyima, kakutwalumuna mu kulifwa chimuwika, chize ku uhenya ndo ku uhenya, chizechene ngwe cha kuli Mwene Spiritu.

2 Korintu 8:9

Mumu nunanyingika vumbi lia Mwene wetu Yesu Kristu, chipwe wapwile pichi, hindu mumu hali yenu, walipwishile chiswale, hanga yenu ku uswale wenyi nukapwe pichi.

Efesu 4:32

Pwenu ni utu umwe kuli mukwo, akwa mbunge ja kwivwa keke, nikulikonekcna umwe ni mukwo, chizechene ngwe Zambi nawa hananukonekena muli Kristu.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

2 Yoano 1:4

Nakuwahilila chikolo ha kuwana amwe a kuli ana je akwenda mu umwenemwene, ngwe hitunatambula shimbi kuli Tata.

3 Yoano 1:11

Mukwetu wa zango, kanda wimbulula yipi aiioze imbulula yipema. Yoze wakulinga yipema iye wa kuli Zambi; aiioze yoze wakulinga yipi kamweneko Zambi.