Miaso (Masamu) 13:3 - MUKANDA USANDU WA ZAMBI 1975

³ Zewula, ungwivwe Yehova Zambi yami. Pangulwisa meso jami kuchina munguya tulo twa kutwa.

Mukanda Wa Zambi 1970

³ Aa Mwene Zambi, Zambi yami, ngutale kama, ngukumbulule. Ngutakamise kama, kanda utayiza ngufwe.

Miaso (Masamu) 13:3 Iomraidhean Croise

Ezra 9:8

Haliapwila ha kamwe kashimbu hatwaha vumbi kuli Yehova Zambi yetu akatwehe amwe masalila akwomboka, akatwehe ngwe lumbambo muma mwenyi musandu, hanga Zambi yetu akatupangulwise meso jetu, akatwehe kuhuzuluka hakehe mu undungo wetu.

Miaso (Masamu) 119:153

Tala kama ku luyinda wami, ungupulule kama, mumu chishi kuvulama shimbi ye.

Miaso (Masamu) 18:28

Kumuwika ndeya yami; Yehova Zambi yami kumapangulula milima yami.

Miaso (Masamu) 25:19

Nyonga hali akwa kole jami, mumu hoka, o kakunguvwila kole yimwe ya uswi.

Miaso (Masamu) 31:7

Munguwahilila ni chiseke mu utu wa zango lie, mumu hi wamona luyinda wami; hiwanyingika lamba lia mbunge yami.

Miaso (Masamu) 5:1

Ivwa kama maliji jami Yehova; nyonga kama ha kupukuna chami.

Miaso (Masamu) 9:13

Nguvwile kama vumbi, Yehova; nyonga lamba liami lize akunguvwisa akwa kole jami, yena kuwakunguchiza ku chikolo cha kutwa;

Jeremia 51:39

Shimbu kanachivunduka mungwalulikila chiteleka akazengewe ndo malezumuka, akaye tulo a mutolo nikuhinduka nawa ka. Chocho kanambe Yehova.

Jeremia 51:57

Munguzengewesa alemu jenyi ni akwa mana jenyi, ni anguvulu jenyi, ni tupitau twenyi, ni tujita twenyi. Kumakapomba tulo twa mutolo nikulaula ka. Chocho kanambe mwe Mwanangana, jina lienyi Yehova-wa-Tujita.

Lungungu 5:1

Yehova, iwuluka chize hichatuwana; tala uchimone kusauka chetu.

Luka 2:32

pangu lia kutemwina akwa mavungu, ni uhenya wa atu je, A-Izalele.

Efesu 5:14

Kashika kanambe ngwenyi, Laula, yena uli mu tulo, uhinduke hakachi ka afu, ni Kristu makakutemukina.

Usolwelo 21:23

Limbo kuliafupile tangwa, chipwe kakweji kupangukamo, ka; mumu uhenya wa Zambi hiunalipangulula, ni ndeya yalio, mwe Mwana-panga.

1 Samuel 14:27

Alioze Jonatas kevwileko muze tato ashinganga atu. Kashika yasa songo lia mulumbu apwile nawo mu kwoko mu chishila, yalia, mba yamona kanawa.

1 Samuel 14:29

Mba Jonatas yamba ngwenyi, Tata kanapinjisa chifuchi. Tala kama, chize meso jami halaula mumu ha kulia kawuchi kano kakepe.