Miaso (Masamu) 101:3 - MUKANDA USANDU WA ZAMBI 1975

³ Chichi kusa nichimwe chuma chipi kumeso jami. Chitanga cha waze akupianguka nakuchivwila lwaji, kuchichi kungulalaminya.

Mukanda Wa Zambi 1970

³ chichi kutayiza yibi nihakepe. Nakuvutwokela yitanga ya atu waze akwehuka Zambi; chichi kulikata no usepa.

Miaso (Masamu) 101:3 Iomraidhean Croise

Jobe 31:1

Nakolesele shingo ni meso jami; mba kuchi munguhasa kusa meso jami hali mwana-pwo?

Miaso (Masamu) 119:113

Nakuvwila kole akwa mbunge jiali, alioze kunazanga shimbi ye.

Miaso (Masamu) 119:37

Tewulula kama meso jami, kanda atala yuma yamokomoko, unguhuzulule mu majila je.

Miaso (Masamu) 125:5

Alioze waze akupiasuka mu majila ahenga, Yehova kumakaatuhwisa hamuwika ni akwa kulinga uhenge. Sambukila yikapwe hali Izalele.

Miaso (Masamu) 139:22

Nakwavwila kole yahiana. Nakwanyonga ngwami, Akwa kole jami.

Miaso (Masamu) 14:3

Eswe hanapianguka; hanapiha. Kukushi niumwe yoze wakulinga chipema, chipwe umuwika ka.

Miaso (Masamu) 36:3

Maliji a mu kanwa lienyi a uhenge ni kwonga. Hambila mana ni yitanga yipema. Ha muhela wenyi kakutaka uhenge;

Miaso (Masamu) 39:1

Nambile ngwami, Mungutala kanawa majila jami, kuchina munguvulumuna ni limi liami. Mungutunga kanwa liami ni kata shimbu yingulungulu anamana kumeso jami.

Miaso (Masamu) 40:4

Kawaha yoze mafuliela Yehova, keshi kulemesa akwa kulengumuka, chipwe waze akupianguka ku mahuza.

Miaso (Masamu) 41:9

Chipwe sepa liami yoze nalikata nenyi, yoze nafulielele, yoze walile kulia chami, hananguzundwila kashijino kenyi.

Miaso (Masamu) 78:41

Alumukine nawa nikweseka Zambi. Ehile mwe Musandu wa Izalele.

Miaso (Masamu) 78:57

Ahilukile kunyima; alingile ni mafwefwe ngwe akako; apiasukile ngwe uta wa kwonga.

Miaso (Masamu) 97:10

Yenu eswe nwakuzanga Yehova vwilenu lwaji yuma yipi. Kakufunga mwono wa asandu jenyi, kakwapulula ku kwoko lia chingulungulu.

Kutuhuka 20:17

Kanda ukavwila chipululu zuwo lia mwenyembo we. Kanda ukavwila chipululu pwo lia mwenyembo we, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mwenyembo we.

Kutuhuka 32:8

Hahambuluka washiwashi ku jila yize naambile. Halilingila ene mwana-ngombe wa kuzuzulula, hafukama kuli iye, hamulambula milambu, hamba ngwo, Enu A-Izalele, Zambi yenu yono, wanuchijile ku chifuchi cha Engitu.

Yishima 6:12

Chingandangali, chihenge, kakwenda ni kanwa lia kupiya.

Yishima 6:13

Kakulenya ni meso jenyi; kakuhanjika ni molu jenyi; kakulahula ni minwe yenyi.

Yishima 6:25

Kanda wivwa usolo wa kupema chenyi mu mbunge ye; kanda umutayiza kukukwata ni meso jenyi;

Yishima 8:13

Woma wa Yehova unalumbunuka kulinwa ni chipi. Kunakulinwa ni kulengumuka, ni kulizata, ni ndako jipi, ni kanwa liapiya.

Longeshi 6:9

Kuzangazanga naye kuchayukishile; Shinaho kumona ni meso. Chino nawa chapwa chamokomoko ngwe kuhanga ye fuji.

Izaya 30:11

Hichikenu ye jila, hambulukenu mu chikoka; kanda twivwa nawa ha kutwala kuli mwe Musandu wa Izalele.

Izaya 33:15

Yoze kakwenda ni ululi nikuhanjika chize chinate; yoze kakulelesa upite uze unakatuka ku kupinjisa akwo, kakusakumuna moko jenyi kuchina makwata ku chijiko, kakujika matwi jenyi kuchina mevwa yuma ya kumwanga manyinga, kakutuka meso jenyi kuchina mamona uhenge.

Jeremia 22:17

Alioze yena uli ni meso ni mbunge ya kunyonga kufumbuka cha uhenge, ni kumwanga manyinga keshi chitela ni kulinga upinjiso ni upupilo.

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Zakaria 8:17

kanda nulitakila chipi mu mbunge jenu umwe kulimika ni mukwo; kanda nuzanga shingo lia mahuza. Mumu Yehova kanambe ngwenyi, Yino yeswe yangupihila.

Mateu 5:28

alioze yami ngunambe kuli yenu ngwami, Mweswawo matala pwo mukumuvwila usolo, halinga nenyi utanji kulu mu mbunge yenyi.

A-ROMA 12:9

Zango likapwe kulishi ulembekese. Ivwenu lwaji ha ungulungulu; lalaminyenu ku yipema.

Galashia 4:9

Alioze haliapwila se nunanyingika Zambi, hanji Shinaho Zambi kananunyingika, ngwe kuchi nunatewulukila cheka nawa ku yikuma yamokomoko ya ulelu ni ya uswale, nukalitenge ndungo jayo nawa, nyi?

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 15:9

Kanyamenu, kanda lipwa mu mbunge jenu nyonga ha uzazali ngwenu, Mwaka wamuchishimbiali, we mwaka wa kutusula unahete, meso jenu mapwa api kuli mukwenu chiswale, mba kunuchi kumwaha nichimwe, iye nikuteta kuli Yehova mumu hali yenu, muchipwa mulonga kuli yenu.

Hebreu 10:39

Alioze yetu hi tuli akwa kusosolokela kunyima ko ku kwonwona; aiioze tuli akwa kufuliela ha ulamwino wa mwono.

Yoshua 23:6

Kashika jikizenu kufunga nikulinga yuma yeswe yinasonewa mu mukanda wa shimbi ya Mose. Kanda nukapiangukako, chipwe ku chindume, chipwe ku chimeso.

2 Petulu 2:21

Mumu hapwa hali ayo kachi kanyingikine jila ya ululi, shina, muze te hayinyingika, kuchinduluka ku liji lisandu lia shimbi lize aakunjikile.

1 Yoano 2:19

Atuhukile mukachi ketu, aiioze kapwile a kuli yetu; mumu kachi apwile a kuli yetu, kachi atwamine hamwe ni yetu, aiioze hanga akaasolole ngwo, O eswe hi a kuli yetu ko.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.