Miaso (Masamu) 101:2 - MUKANDA USANDU WA ZAMBI 1975

² Kumungulinga ni mana mu jila yingunu. Mwiji muka muwiza kuli yami? Kumungwenda mu zuwo liami ni mbunge yingunu.

Mukanda Wa Zambi 1970

² Mungusa tachi hanga ngubwe ni ndako yibema. Tangwa lika muwiza kuli yami? Mungubwa ni ndako yibema mu zuwo liami,

Miaso (Masamu) 101:2 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

2 Samuel 8:15

David wapwile mwanangana wa A-Izalele eswe. David wayulile ni wapatwilile atu jenyi eswe.

1 Yitanga Ya Mianangana 11:4

Mumu muze Solomone hapwa mukulwana mapwo jenyi apiangwilile mbunge yenyi ku mazambi akwo. Mbunge yenyi kuyapwile yingunu liakulu kumeso ja Yehova Zambi yenyi ngwe mbunge ya tato David yapwile.

1 Yitanga Ya Mianangana 9:4

Ha kutwala kuli yena, nyi muwenda kumeso jami ngwe tatenu David wendele ni kutuwika cha mbunge, ni ululi, ni kulinga yuma yeswe nakutuma, nikufunga yiyulo yami ni upatwilo wami,

2 Sango Ja Mianangana 15:17

Alioze kachijile manangamo mu Izalele. Hindu mbunge ya Asa yingunu matangwa jenyi eswe.

2 Sango Ja Mianangana 30:12

Ni mu Yunda nawa Zambi yaaha mbunge yimuwika akalinge nikulita ni liji lia mwanangana ni alemu, ku liji lia Yehova.

Miaso (Masamu) 101:6

Meso jami matala kuli amwenemwene mu chifuchi hanga akatwame ni yami. Mweswe mendela mu jila yingunu iye manguvumbika.

Miaso (Masamu) 119:106

Hinalishinga, nachikolesa nawa, ngwami, Mungufunga upatwilo we wa ululi.

Miaso (Masamu) 119:115

Katukenu kuli yami, yenu akwa yitanga yipi, hanga ngukafunge shimbi ja Zambi yami.

Miaso (Masamu) 26:11

Alioze yami, mungwenda mu kutuwika chami. Ungukule kama, unguvwile kama vumbi.

Miaso (Masamu) 40:17

Ami nguli chiswale kanda mukwa kuhona, hindu Mwene kakungunyonga. Yena uli chikwashi chami kanda mukwa kungupulula; kanda ulaluka Zambi yami. Kuli Njimba mukwa lutwe. Samu lia David.

Kutuhuka 20:24

Ukangutungile chilumbilo cha mavu. Ukalambwileho milambu ye ya kulumba ni milambu ye ya sambukila, ni mapanga je ni ngombe je. Mu yihela yeswe kuze mungukaewulwisa jina liami kumungukakundama kuli yena. Kumungukakuwahisa.

Izaya 38:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Shimbi 6:7

nukaalongese kanawa kuli ana jenu, nukaatenge pande ha ku! wama mu mazuwo jenu, ha kwenda mu jila, ha kupomba chenu, ha kuhinduka chenu.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

1 Samuel 22:14

Ahimeleke yakumbulula kuli mwanangana ngwenyi, Mba hakachi ka tuvumbi twenu eswe, mutu wa jika iya ngwe tatenu-weno David, kanda kapitau ka akwa kufunga mwanangana, kanda mulemu mu zuwo lienu?